Live Updates

پنجاب ڈویلپمنٹ پروگرام کے تحت صوبے کے چھ اضلاع کے سیوریج نظام ڈیزائن فیز میں داخل ہو گئے ہیں،ترجمان

منگل 16 ستمبر 2025 20:25

لاہور (اُردو پوائنٹ اخبارتازہ ترین - اے پی پی۔ 16 ستمبر2025ء) وزیر اعلی مریم نواز کی ہدایت پر پنجاب ڈویلپمنٹ پروگرام کے تحت صوبے کے چھ اضلاع کے سیوریج نظام ڈیزائن فیز میں داخل ہو گئے ہیں۔ ان اضلاع میں حافظ آباد، ڈیرہ غازی خان، اوکاڑہ، سرگودھا، جہلم اور جھنگ شامل ہیں، جہاں سیوریج کے جدید اور فعال نظام تشکیل دیے جا رہے ہیں۔ترجمان محکمہ ہائوسنگ کے مطابق شیخوپورہ، ننکانہ صاحب، گجرات اور مری میں واساز بھی تکمیل کے مراحل میں داخل ہو چکے ہیں۔

(جاری ہے)

اس حوالے سے خصوصی اجلاس سیکرٹری ہائوسنگ پنجاب نورالامین مینگل کی زیر صدارت منعقد ہوا جس میں منصوبے پر پیش رفت کا تفصیلی جائزہ لیا گیا۔اجلاس میں ہدایت دی گئی کہ نیسپاک تمام اضلاع کے سیوریج نظام پر کام جلد از جلد مکمل کرے۔ سیوریج نظام معیاری اور دیرپا ہونا چاہیے تاکہ شہریوں کو پائیدار سہولت میسر آ سکے۔ترجمان کے مطابق وزیر اعلی کی ہدایات کے مطابق ترقی کا دائرہ کار صوبہ بھر میں یکساں اور معیاری رکھا گیا ہے۔ موجودہ سیلابی تباہی اور اربن فلڈنگ کے واقعات کے پیش نظر مربوط پلاننگ کی جا رہی ہے تاکہ مستقبل میں عوام کو کسی مشکل کا سامنا نہ کرنا پڑے۔