تیسرے ضمنی بلدیاتی انتخابات کامرحلہ شروع ہوگیا

913 خالی نشستوں پر کل 155 امیدواروں نے کاغذات جمع کرائے، ترجمان الیکشن کمشنرخیبرپختونخوا

منگل 16 ستمبر 2025 19:40

پشاور(اُردو پوائنٹ اخبارتازہ ترین - این این آئی۔ 16 ستمبر2025ء) تیسرے ضمنی بلدیاتی انتخابات کامرحلہ شروع ہوگیا ہے، 913 خالی نشستوں پر کل 155 امیدواروں نے کاغذات جمع کرائے۔ ترجمان الیکشن کمشنرخیبرپختونخوا کے مطابق جنرل نشستوں پر 93، خواتین کے لئے 7 ،مزدور کسان کے لئے 14 اور یوتھ کی نشستوں کے لئے 41 امیدواروں نے کاغذات جمع کرائے۔ کاغذات نامزدگیوں کی جانچ پڑتال 16 ستمبر سے 18 شروع ہو گئی ۔

(جاری ہے)

19ستمبر 2025 کو کاغذات نامزدگی منظور کئے جانیوالے امیدواروں کی فہرست جاری ہوگی۔ کاغذات کی منظوری اور مسترد ہونے کے خلاف اپیلیں 20 ،22 اور23 ستمبر 2025 تک داخل کی جاسکیں گی۔ ان اپیلوں پر فیصلہ سے 26 ستمبر 2025 تک کیا جائیگا۔ترجمان کے مطابق امیدوار اپنے کاغذات نامزدگی سے 29 ستمبر 2025 تک واپس لے سکیں گے۔ 30 ستمبر 2025 کو امیدواروں کی حتمی فہرست جاری کرکے ان کو انتخابی نشانات الاٹ کئے جائیں گے۔ پولنگ 19 اکتوبر 2025 کو ہوگی۔