لاہور پولیس کی بجلی چوروں کے خلاف کارروائیاں ،2 ہفتوں میں 565ملزمان گرفتار

جمعرات 18 ستمبر 2025 10:50

لاہور (اُردو پوائنٹ اخبارتازہ ترین - اے پی پی۔ 18 ستمبر2025ء) لاہور پولیس نے بجلی چوروں کے خلاف کارروائیوں کے دوران 2 ہفتوں میں 565ملزمان گرفتار اور 1087مقدمات درج کئے۔ ترجمان لاہور پولیس کے مطابق رواں سال بجلی چوری پر 23815ملزمان گرفتار اور 19185مقدمات درج کئے گئے۔

(جاری ہے)

سی سی پی او لاہور بلال صدیق کمیا نہ نے کہاہے کہ بجلی چوری کے خلاف بلاامتیاز کارروائیاں عمل میں لائی جا رہی ہیں۔ پولیس ٹیمیں بجلی چوروں کے محاسبہ کے لئے متعلقہ محکموں کو بھرپور معاونت فراہم کریں۔انہوں نے کہا کہ بجلی چوری کے مقدمات کے چالان پراسیکیوٹرز کی قانونی معاونت سے بروقت پایہ تکمیل تک پہنچائے جائیں۔ شہری بجلی چوری کی صورت میں پولیس اور متعلقہ اداروں کو مطلع کریں۔