رواں سال شادی کرنیوالے ماڈل عبیر اسد اور ثوبان عمیس کا راہیں جدا کرنے کا فیصلہ

سوشل میڈیا صارفین کی جانب سے ثوبان عمیس کی اس اسٹوری پر تبصروں کا سلسلہ جاری ہے

جمعرات 18 ستمبر 2025 11:05

لاہور (اُردو پوائنٹ اخبارتازہ ترین - این این آئی۔ 18 ستمبر2025ء)پاکستانی ماڈل عبیر اسد اور ثوبان عمیس نے راہیں جدا کرنے کا فیصلہ کرلیا۔ماڈل عبیر اسد اور ثوبان عمیس کا شمار پاکستان کے کامیاب ماڈلز میں ہوتا ہے جنہیں ’’بیسٹ ماڈلز‘‘کا ایوارڈ بھی مل چکا ہے۔جوڑے نے رواں سال فروری کے مہینے میں ہی شادی کی تھی تاہم ان کی ازدواجی زندگی سے متعلق بری خبر سامنے آئی ہے۔

(جاری ہے)

ثوبان عمیس نے اپنے انسٹاگرام اکائونٹ پر ایک اسٹوری شیئر کی اور اپنی راہیں جدا کرنے کے فیصلے سے آگاہ کیا۔سبن نے لکھا کہ میں نے اور عبیر نے راہیں جدا کرنے کا فیصلہ کیا ہے، عبیر کے ساتھ نیک تمنائوں کے علاوہ کچھ نہیں کہہ سکتا۔ماڈل نے مزید لکھا کہ طلاق کا عمل ابھی باقی ہے لیکن فیصلہ کیا جاچکا ہے۔سوشل میڈیا صارفین کی جانب سے ثوبان عمیس کی اس اسٹوری پر تبصروں کا سلسلہ جاری ہے جب کہ عبیر اسد کی جانب سے اس حوالے سے خاموشی اختیار کی گئی ہے۔