اسسٹنٹ کمشنر سمبڑیال کی زیر نگرانی سمبڑیال میں وزیراعلی پنجاب کا"ستھرا پنجاب" پروگرام جاری

جمعرات 18 ستمبر 2025 15:13

سیالكوٹ (اُردو پوائنٹ اخبارتازہ ترین - اے پی پی۔ 18 ستمبر2025ء) اسسٹنٹ کمشنر سمبڑیال غلام فاطمہ کی زیر نگرانی سیالكوٹ كی تحصیل سمبڑیال میں وزیراعلی پنجاب مریم نواز شریف کاستھرا پنجاب پروگرام جاری ہے ۔

(جاری ہے)

تحصیل سمبڑیال میں آٹا اور چینی کنٹرول ریٹ پر دستیاب ہے ،سمبڑیال شہر کی خوبصورتی اور انتظامیہ کے عملی اقدامات بھی جاری ہیں ،مون سون میں حالیہ بارشوں کے بعد اسسٹنٹ کمشنر کی مثبت حکمت عملی سے اب زندگی معمول پر آنی شروع ہوگئی ہے، شہر کو خوبصورت بنانے کیلئے تیزی سے کام جاری ہیں ،اسسٹنٹ کمشنر روزانہ کی بنیاد پر شہر کا سروے کررہی ہیں اور ناجائز تجاوزات، ٹریفک کی روانی میں رکاوٹ بننے والی ریڑھی بانوں اور تھڑوں کے خلاف بھر پور ایکشن لے رہی ہیں جس کی بدولت غیرقانونی پارکنگ سے ہونے والا ٹریفک جام کا مسئلہ حل ہوگا۔

اسی طرح ستھرا پنجاب پروگرام کے تحت ٹٰی ایم اے سمبڑیال کا عملہ صفائی ستھرائی میں بھرپور حصہ لے رہا ہے ،شجرکاری مہم کے تحت گرین بیلٹ پر پودوں کی دیکھ بھال کا سلسلہ جاری ہے،ائیرپورٹ روڈ کی صفائی ستھرائی اور گملوں کو خوبصورت رنگوں سے سجایا گیا ہے جس سے سمبڑیال کی خوبصورتی میں اضافہ ہوا ہے۔