فیسکونے ریجن بھر میں 308.903 ملین سے زائد کی لاگت سے مختلف ترقیاتی منصوبوں کو پایہ تکمیل تک پہنچاد یا

جمعہ 19 ستمبر 2025 13:27

فیصل آباد (اُردو پوائنٹ اخبارتازہ ترین - اے پی پی۔ 19 ستمبر2025ء) فیصل آباد الیکٹرک سپلائی کمپنی کے شعبہ کنسٹرکشن کی طر ف سے ماہ اگست میں ریجن بھر میں 308.903ملین سے زائد کی لاگت سے مختلف ترقیاتی منصوبوں کو پایہ تکمیل تک پہنچا یا گیاجبکہ ماہ اگست میں 144.215ملین سے زائد کی لاگت سے67دیہات میں بجلی کی فراہمی عمل میں لائی گئی نیز86.148ملین کی لاگت سے5ایچ ٹی اور78.540ملین کی لاگت سے60ایل ٹی پرپوزلز مکمل کی گئیں۔

تفصیلات کے مطابق فیسکو کنسٹرکشن ڈائریکٹوریٹ نے ماہ اگست میں فیصل آباداورسرگودھاڈویژنز کے آٹھ اضلاع فیصل آباد، جھنگ، ٹوبہ ٹیک سنگھ، چنیوٹ، میانوالی، سرگودھا، بھکر اور خوشاب میں 67نئے دیہات روشن کرنے کے علاوہ60ایل ٹی پروپوزلز اور5فیڈروں کی تکمیل کرلی ہے جن پر308.903 ملین روپے لاگت آئی ہے۔

(جاری ہے)

چیف ایگزیکٹو فیسکو انجینئرمحمد عامر کی ہدایت پر پی ڈی کنسٹرکشن احمد علی شاہ کی زیر نگرانی23.507 ملین کی لاگت سے فیصل آباد میں 21ایل ٹی پروپوزلز،32.993ملین کی لاگت سے جھنگ میں 20،5.491 ملین کی لاگت سے سرگودھا میں 7 جبکہ16.549ملین کی لاگت سے میانوالی میں 12ایل ٹی پروپوزلز کو مکمل کیا۔

اسی طرح34.958ملین کی لاگت سے فیصل آباد میں 13 نئے دیہات،17.199 ملین کی لاگت سے جھنگ میں 10،59.677ملین روپے کی لاگت سے سرگودھا میں 31جبکہ میانوالی میں 32.381ملین روپے کی لاگت سے13نئے دیہات کو روشن کیا گیا۔علاوہ ازیں 38.131ملین روپے کی لاگت سے جھنگ میں 1 ایچ ٹی پروپوزلز،14.786ملین کی لاگت سے سرگودھا میں 1 ایچ ٹی پروپوزل جبکہ33.231ملین کی لاگت سے میانوالی میں 3ایچ ٹی پروپوزل مکمل کی گئی۔ چیف ایگزیکٹوفیسکو انجینئرمحمد عامر نے شعبہ کنسٹرکشن کو ہدایت کی ہے کہ وہ مزید جاری سکیموں کو بھی اسی جذبہ سے پایہ تکمیل تک پہنچائیں تاکہ ریجن بھر کے صارفین کو زیادہ سے زیادہ ریلیف ملے۔انہوں نے کہا کہ برقی ترقیاتی منصوبوں کو بروقت مکمل کرنے سے فیسکو کے ڈسٹری بیوشن میں بہتری آئے گی۔