مقروض بھارتی سیکیورٹی اہلکار کو خاتون نے غلیظ زبان میں باتیں سنا دیں

ہفتہ 20 ستمبر 2025 14:35

نئی دہلی (اُردو پوائنٹ اخبارتازہ ترین - این این آئی۔ 20 ستمبر2025ء)بھارت میں نوٹوں کے لیے اخلاقیات کا جنازہ نکل گیا جب بینک سے مبینہ منسلک خاتون نے نیم فوجی دستے کے مقروض اہلکار کو انتہائی غلیظ زبان میں باتیں سنادیں۔خاتون نے کہا کہ تم جاہل ہو، پڑھے لکھے ہوتے تو سرحد پر نہ بھیجے جاتے بلکہ کسی اچھی کمپنی میں کام کرتے، دوسروں کا مال ہڑپ نہ کرو، اسی لیے تمہارے بچے معذور پیدا ہوتے ہیں۔

اہلکار کے بات کرنے پر خاتون نے کہا کہ تم مجھے کیا سبق سکھا گے میری فیملی کا بھی فوج سے تعلق ہے، تم قرض پہ جی رہے ہو اور مجھے سکھا ئوگے۔قرض واپسی کے تنازع پر ٹیلی فون کالر انورادھا ورما کی سی آر پی ایف اہلکار سے توہین آمیز آڈیو وائرل ہوگئی ہے۔آڈیو سوشل میڈیا پر وائرل ہونے پر بعض افراد نے دعوی کیا ہے کہ خاتون کا تعلق انڈیا کے بینک سے ہے جبکہ بینک نے وضاحت دی ہے کہ خاتون اس کی ملازمہ نہیں تاہم لوگوں کا کہنا ہے کہ اگر وہ بینک ملازمہ نہیں تو اس تک بینک کا ڈیٹا پہنچا کیسی بعدازاں خاتون کی بات سے پوری بھارتی فوج کی جگ ہنسائی اور بینکوں کا اصل روپ سامنے آیا تو خاتون کی معافی کی آڈیو جاری کی گئی۔

(جاری ہے)