راولپنڈی پولیس کی جانب سے گرجا گھروں کی سکیورٹی کیلئے موثرانتظامات

اتوار 21 ستمبر 2025 19:30

راولپنڈی (اُردو پوائنٹ اخبارتازہ ترین - اے پی پی۔ 21 ستمبر2025ء) راولپنڈی پولیس کی جانب سے گرجا گھروں کی سکیورٹی کے لیے سخت اور مؤثر انتظامات کئے گئے ہیں۔

(جاری ہے)

ترجمان پولیس کے مطابق شہر بھر میں 400 سے زائد افسران اور جوان سکیورٹی ڈیوٹی کے فرائض انجام دے رہے ہیں جبکہ تھانوں کی موبائلز، ایلیٹ فورس اور ڈولفن فورس کی خصوصی ٹیمیں مسلسل گشت کر رہی ہیں۔ سینئر افسران ڈیوٹی پر مامور اہلکاروں کو چیک کر رہے ہیں اور انہیں سکیورٹی کے حوالے سے بریفنگ بھی دی جارہی ہے۔ اس موقع پر سٹی پولیس آفیسر (سی پی او) سید خالد ہمدانی نے کہا کہ شہریوں کی جان و مال کا تحفظ پولیس کی اولین ذمہ داری ہے اور اس مقصد کے لیے تمام تر وسائل بروئے کار لائے جا رہے ہیں۔