وفاقی وزیر توانائی کی ہدایت پر لیسکو کا بجلی چوری کیخلاف کریک ڈاؤن جاری

پیر 22 ستمبر 2025 20:04

لاہور (اُردو پوائنٹ اخبارتازہ ترین - آن لائن۔ 22 ستمبر2025ء) وزیرِاعظم پاکستان میاں محمد شہباز شریف کی قیادت، وفاقی وزیر توانائی سردار اویس احمد خان لغاری کی خصوصی ہدایات اور چیف ایگزیکٹو لیسکو انجینئر محمد رمضان بٹ کی زیرو ٹالرنس پالیسی کے تحت بجلی چوروں کے خلاف سخت کارروائیاں جاری ہیں۔ لیسکو نے پولیس اور رینجرز کے تعاون سے موصول ہونے والی بجلی چوری کی شکایات پر فوری اور سخت ایکشن لے رہا ہے۔

مالی سال 2025-26 یکم جولائی سے اب تک لیسکو کو مجموعی طور پر15 ہزارستانوے بجلی چوری کی شکایات موصول ہوئیں جن میں گھریلو 14371، کمرشل 494، زرعی195، صنعتی37 شامل ہیں۔ لیسکو کی جانب سی14 ہزار 9 سو 56 ایف آئی آرز کے اندراج کی درخواستیں کی گئیں جن میں سی9 ہزار 8 سو 28 ایف آئی آرز درج ہوئیں۔

(جاری ہے)

کارروائی کے دوران219 بجلی چور گرفتار کیے گئے۔ مزید براں 2 کروڑ 19 لاکھ 25 ہزارسے زائد یونٹس پر مشتمل بجلی چوری پکڑی گئی جس پر 75 کروڑ 12 لاکھ 12 ہزارسے زائدیونٹس کے ڈٹیکشن بلز جاری کیے گئے جبکہ بجلی چوروں سے 19 کروڑ 55 لاکھ 32 ہزار روپے سے زائد کی ریکوری عمل میں لائی گئی۔

چیف ایگزیکٹو لیسکو انجینئر محمد رمضان بٹ نے بجلی چوروں کی خلاف حکمت عملی پر روشنی ڈالتے ہو ئے کہا کہ لیسکو میں بجلی چوری کے خلاف زیرو ٹالرنس پالیسی پر عملدرآمد کو یقینی بنایا جا رہا ہے۔ ہم نے فیلڈ آپریشنز،پولیس اور رینجرز کے تعاون سے بجلی چوری میں نمایاں کمی اور ریکوری میں اضافہ کیا ہے۔انہوں نے مزید کہابجلی چور نہ صرف قومی وسائل کو نقصان پہنچا رہے ہیں بلکہ ایماندار صارفین کے ساتھ زیادتی کے مرتکب بھی ہیں۔ لیسکو ایسے عناصر کے خلاف مسلسل کارروائیاں کر رہا ہی