لاہور میں خواتین پر مشتمل جھپٹا مار گینگ گرفتار

خواتین ملزمان چوری کے مقدمات میں سابقہ ریکارڈ یافتہ ہیں، پولیس

پیر 22 ستمبر 2025 20:55

لاہور میں خواتین پر مشتمل جھپٹا مار گینگ گرفتار

؛ لاہور (اُردو پوائنٹ اخبارتازہ ترین - آن لائن۔ 22 ستمبر2025ء) پولیس نے خواتین پر مشتمل جھپٹا مار گینگ کو گرفتار کرلیا۔ نجی ٹی وی کے مطابق مغل پورہ کے علاقے میں خواتین پر مشتمل جھپٹا مار گینگ کو گرفتار کرلیا گیا ہے۔

(جاری ہے)

اس سلسلے میں 15 کال پر ایس ایچ او مغل پورہ عرفان سخاوت نے ٹیم کے ہمراہ کارروائی کی اور پھاٹک کے قریب سے 2 خواتین کو حراست میں لیا۔ خواتین ملزمان نے بابا صادق سائیں دربار پر آنے والی خاتون کے کان سے بالیاں نوچی تھی اور واردات کے بعد فرار ہو گئی تھیں۔ بعدازاں خاتون کی نشاندہی پر گینگ کو گرفتار کر لیا گیا۔ پولیس کے مطابق خواتین ملزمان چوری کے مقدمات میں سابقہ ریکارڈ یافتہ ہیں۔ ملزمان رابعہ بی بی اور سعدیہ کے خلاف مقدمہ درج کرکے تفتیش شروع کردی گئی ہی