غذائی دہشتگردوں کے لیے قانون سخت کیا جارہا ہے، خلاف ورزی پر سخت کارروائی کی جائے گا، ڈی جی فوڈاتھارٹی

اتوار 21 ستمبر 2025 23:30

لاہور (اُردو پوائنٹ اخبارتازہ ترین - اے پی پی۔ 21 ستمبر2025ء) وزیر اعلی مریم نواز کا ملاوٹ سے پاک پنجاب مشن، کولڈ سٹور کی آڑ میں انسانی صحت پر بڑے وار کی سازش ناکام بنا دی گئی، ڈی جی فوڈ اتھارٹی عاصم جاوید کا فوڈ سیفٹی ٹیموں کے ہمراہ فیروز والا میں کولڈ سٹور پر کریک ڈاون، 60ہزار کلو ایکسپائر ریڈی ٹو کک فروزن چکن، 400 کلو فنگس زدہ سپائسز، سبزیاں تلف کر کے جعلسازی کا مکروہ دھندہ کرنے پر 10لاکھ جرمانہ عائد کیا گیا جبکہ مقدمہ درج کروا کے 2ملزمان گرفتار کروائے گئے، تفصیلات کے مطابق 6کروڑ 15لاکھ سے زائد مالیت کا ایکسپائر بدبودار چکن تلف کیا گیا، ایکسپائر کڑاہی بوٹی، گردن، چکن تکہ بوٹی، چکن فجیتا، کلیجی،کباب تلف کے گئے،بدرنگ بدبودار مضر صحت چکن میٹ اینڈ پروڈکٹس کولڈ سٹور میں رکھا گیا تھا،ایکسپائر اور فریش سٹاک کو ایک ہی ریک میں اکٹھا سٹور کیا گیا تھا، ڈی جی فوڈ اتھارٹی نے بتایا سٹور کی گئی پروڈکٹس پر لیبل عدم موجود، ایکسپائر پروڈکٹس کو فریش سپلائی کیساتھ ملا کر سپلائی کیا جا رہا تھا، ناقص میٹ معروف فوڈ چینز، مارٹس اور بڑے ریسٹورنٹس پر سپلائی کیا جانا تھا،صفائی کے ناقص انتظامات، ایس او پیز کے خلاف سٹوریج کے بریحالات، مرے چوہے پائے گئے، چکن میرینشن کے لیے ایکسپائر مصالحہ جات،چکن پاوڈر استعمال کیا جارہا تھا، تلف کردہ گوشت کا کھانے میں استعمال انسانی صحت کیلئے مضر ثابت ہو سکتا تھا، عاصم جاویدکا کہنا تھا وزیر اعلی پنجاب کے ویژن کے تحت بر وقت کارروائی کر کے انسانی صحت سے کھیلنے والوں کو بے نقاب کیا،غذائی دہشتگردوں کے لیے قانون سخت کیا جارہا ہے؛ خلاف ورزی پر سخت ایکشن لیا جائے گا،خوراک کا کاروبار کرنے والے پنجاب فوڈ اتھارٹی کے مقرر کردہ قوانین پر عمل درآمد یقینی بنائیں، ناجائز منافع کے لالچ میں انسانی صحت کیساتھ کھلواڑ کرنے والوں کو کوئی رعایت نہیں دی جائے گی،وزیر اعلی پنجاب کے مشن ملاوٹ سے پاک صحت مند پنجاب کی عملی تکمیل کے لیے دن رات کارروائیاں جاری ہیں۔