عمدہ کارکردگی پر فقیر آباد ڈویژن کے پولیس اہلکاروں کو نقد انعامات اور توصیفی اسناد سے نوازا گیا

پیر 22 ستمبر 2025 18:29

پشاور (اُردو پوائنٹ اخبارتازہ ترین - اے پی پی۔ 22 ستمبر2025ء) ایس پی فقیر آباد ڈویژن محمد ارشد خان کے دفتر میں پولیس اہلکاروں کو انعامات سے نوازنے کیلئے تقریب کا انعقاد کیا گیا۔

(جاری ہے)

کیپٹل سٹی پولیس پشاور تر جمان کے مطابق تقریب میں ایس پی فقیر آباد نے پولیس اہلکاروں کشمیر خان ، صادق علی ، دلاور خان ، حیدر علی اور فرمان کو پیشہ ورانہ مہارت ، مختلف جرائم میں ملوث ملزمان کو ٹریس کرنے، جرائم کی روک تھام اور شہریوں کو تحفظ فراہم کرنے پر نقد انعامات اور توصیفی اسناد سے نوازا ۔

اس موقع پر ایس پی فقیر آباد نے پولیس افسران اور جوانوں کو اپنی پیشہ ورانہ صلاحیتوں کا بھرپور استعمال کرتے ہوئے سٹریٹ کرائم، جرائم پیشہ عناصر، منشیات فروشوں اور دیگر سماج دشمن عناصر کے خلاف کارروائیاں جاری رکھنے کی ہدایت کی۔انہوں نے کہا کہ عوام کے جان و مال کا تحفظ پشاور پولیس کی اولین ترجیح ہے اور ہم اس مشن کو اسی جذبے سے جاری رکھیں گے۔