کرسٹیانو رونالڈو کی سعودی لباس میں تلوار تھامے سعودی عوام کو قومی دن کی مبارک باد

سعودی عرب رہائش کے لیے بہترین جگہ ، میرے لیے سب سے خاص بات یہ ہے کہ یہ بہت محفوظ ملک ہے : سٹار فٹبالر

ذیشان مہتاب بدھ 24 ستمبر 2025 13:40

کرسٹیانو رونالڈو کی سعودی لباس میں تلوار تھامے سعودی عوام کو قومی دن ..

ریاض (اردو پوائنٹ تازہ ترین اخبار ۔ 24 ستمبر 2025ء ) عالمی شہرت یافتہ پرتگالی فٹبالر کرسٹیانو رونالڈو نے سعودی لباس میں تلوار تھامے سعودی عوام کو قومی دن کی مبارک باد دے دی۔

انہوں نے سعودیہ کو ایک اعظم ملک قرار دیتے ہوئے یہاں کے سیاحتی مقامات کا دورہ کرنے کی ترغیب بھی کی۔

سعودی عرب کی فٹ بال ٹیم النصر نے فوٹوز اینڈ ویڈیوز شیئرنگ پلیٹ فارم انسٹاگرام پر سعودیہ کے 95ویں قومی دن کے موقع پر ایک مختصر ویڈیو کلپ اور تصاویر شیئر کی۔

سوشل میڈیا پر جاری ویڈیو کلپ میں کرسٹیانو رونالڈو روایتی سفید سعودی لباس میں ملبوس دکھائی دیئے۔ انہوں نے 23 ستمبر 2025 کو سعودی عرب کے قومی دن پر خراج تحسین پیش کیا اور سعودیہ میں رہنے کا اپنا تجربہ بیان کیا۔

View this post on Instagram

رونالڈو نے سعودی عرب کے قومی دن کی مناسبت سے خصوصی پیغام جاری کرتے ہوئے کہا کہ تمام سعودی عوام کو سعودی قومی دن مبارک ہو، آپ اس دن کا جشن فخر، اتحاد اور اپنے پیاروں کے ساتھ منائیں۔

(جاری ہے)

النصر اسٹار نے سعودی عرب میں اپنے تجربہ بیان کرتے ہوئے مزید کہا کہ سعودی عرب رہائش کے لیے بہترین جگہ ہے، میرے لیے سب سے خاص بات یہ ہے کہ یہ بہت محفوظ ملک ہے۔ لیگ اچھی ہے، اور یہ فٹ بال کھیلنا ہمارا کام ہے۔ انہوں نے یہ بھی کہا کہ مجھے اور میرے اہلِ خانہ کو یہاں رہنا بہت پسند ہے۔ یہ ایک عظیم ملک ہے۔ اس کے ساتھ ہی 40 سالہ کھلاڑی نے سعودی عرب کے مضبوط سیاحتی شعبے، بچوں کے لیے بہترین اسکولوں اور خوبصورت سیاحتی مقامات کی تعریف کی اور انہوں نے سب کو سعودی عرب کی سیاحت کی بھی ترغیب دی۔