فیصل آباد پولیس کی کارروائی، 2 منشیات فروش گرفتار ،لاکھوں روپے مالیت کی آئس اور ہیروئن برآمد

بدھ 24 ستمبر 2025 22:30

فیصل آباد (اُردو پوائنٹ اخبارتازہ ترین - اے پی پی۔ 24 ستمبر2025ء) فیصل آباد پولیس کارروائی کرتے ہوئے 2 منشیات فروش گرفتار کرکے لاکھوں روپے مالیت کی آئس اور ہیروئن برآمد کرلی۔

(جاری ہے)

تفصیلات کے مطابق تھانہ مدینہ ٹاؤن پولیس نے کارروائی کرکے 2 منشیات فروش ملزمان اکرم نیازی اور اویس کو گرفتار کرکے ملزمان کے قبضہ سے لاکھوں روپے مالیت کی 1.02 کلو گرام آئس اور 1.04 کلو گرام ہیروئن برآمد کر لی گئی. حکام نے بتایا کہ ایس ایچ او مدینہ ٹاؤن عدیل اکرم نے منشیات فروش ملزمان اکرم نیازی اور اویس کو گرفتار کیا۔

ملزم محمد اویس سے آئس 1.02 کلو گرام اور محمد اکرم نیازی سے 1.04 کلو گرام ہیروئن برآمد کر لی گئی۔ملزمان شہر کے مختلف علاقوں میں منشیات سپلائی کرتے تھے۔تھانہ مدینہ ٹاؤن پولیس نے گرفتار ملزمان کے خلاف قانونی کاروائی کا آغاز کر دیا ہے۔