وزیراعلی پنچاب محترمہ مریم نوازشریف 29 ستمبر کو فیصل آباد آئیں گی

ہفتہ 27 ستمبر 2025 21:06

فیصل آباد (اُردو پوائنٹ اخبارتازہ ترین - آن لائن۔ 27 ستمبر2025ء) وزیر اعلی پنچاب محترمہ مریم نواز شریف 29 ستمبر کو فیصل آباد آئیں گی یہاں پر وہ الیکٹرک بسوںکا افتتاح کریںگی اور بوہڑاں والی گراؤنڈ میں ایک بڑے عوامی اجتماع سے خطاب بھی کریں گی۔ضلعی انتظامیہ نے انتظامات کوحتمی شکل دیدی ، آن لائن کو ملنے والی اطلاعات کے مطابق وزیراعلیٰ پنجاب محترمہ مریم نواز شریف صاحبہ کے تاریخی دورہ فیصل آباد کے سلسلے میں گذشتہ روز ڈپٹی کمشنر آفس میں ایک اہم مشاورتی اجلاس منعقد ہوا۔

اجلاس میں لیگی رہنماؤں نے بھرپور شرکت کی اور انتظامی امور پر نہایت فعال کردار ادا کیا۔ڈپٹی کمشنر فیصل آباد ناصر ندیم نے وفد کو تفصیلی بریفنگ دی، جس میں روٹ پلان، سیکیورٹی اقدامات، پارکنگ اور شہری سہولیات سے متعلق نکات پر تبادلہ خیال کیا گیا۔

(جاری ہے)

اس موقع پر ڈویژنل صدر حاجی اکرم انصاری ، دیگر لیگی رہنما ئوں سمیت ضلعی انتظامیہ کے افسران بھی موجود تھے ۔

بعد ازاں، شرکاء نے‘‘گرین الیکٹرک بس’’میں سوار ہو کر وزیراعلیٰ کے متوقع روٹ کا فیلڈ وزٹ کیا، جہاں ٹرانسپورٹ ڈیپارٹمنٹ کے حکام نے انتظامات پر بریفنگ دی۔بوہڑاں والی گراؤنڈ میں ہونے والے اس بڑے عوامی اجتماع کے لیے سیکیورٹی، ٹریفک پلان، انٹری پوائنٹس اور قافلوں کی آمد کے حوالے سے عملی اقدامات کو حتمی شکل دی گئی۔ وزیر اعلی پنچاب محترمہ مریم نواز شریف ہوایت پر ماحولیاتی آلودگی کم کرنے اور شہریوں کو جدید سفری سہولت فراہم کرنے کے لیے فیصل آباد میں 30 الیکٹرک بسیں پہنچ گئی،بس سات روٹس پر چلائی جائیں گی جن کیلئے غلام محمد آباد،سرگودھا روڈ اور گٹ والا روڈ پر ڈپوبنائیں جائیں گے۔ابتدائی طور پر 30 بسیں فیصل آباد پہنچ چکی ہیں۔