النصر نے کرسٹیانو رونالڈو کو ٹیم میں کیوں شامل نہیں کیا منیجر نے آگاہ کر دیا

جمعرات 25 ستمبر 2025 12:40

جدہ (اُردو پوائنٹ اخبارتازہ ترین - این این آئی۔ 25 ستمبر2025ء)جدہ کی ٹیم کے خلاف النصر طرف سے اسٹار فٹبالر کرسٹیانو رونالڈو کو کیوں نہیں کھلایا گیا، اس حوالے سے ٹیم منیجر کا بیان سامنے آگیا۔غیرملکی میڈیا رپورٹس کے مطابق جدہ کے خلاف النصر کی فتح میں کرسٹیانو رونالڈو کے شامل نہ ہونے پر سوالات اٹھ رہے تھے تاہم منیجر جارج جیسس نے پرتگالی اسٹار کی غیر حاضری کی وجہ بتا دی اور سارے معاملے واضح کردیا ہے۔

(جاری ہے)

منیجر جارج جیسس نے کہا کہ میں نے شروع سے ہی سوچ لیا تھا کہ اس میچ کیلئے کرسٹیانو رونالڈو اور نہ ہی جواؤ اور دیگر اسٹار پلیئرز کو شامل کیا جائے گا۔جارج جیسس نے بتایا کہ جدہ سے میچ میں ان اسٹار پلیئرز کی عدم شمولیت کی وجہ یہ تھی کیونکہ انھوں نے صرف 3 دن پہلے ایک میچ کھیلا تھا۔انھوں نے کہا کہ میں لیگ مقابلوں کے لیے فٹنس کے نقطہ نظر سے انھیں آرام دینا چاہتا تھا، ہم آنے والے میچز کے لیے خود کو جسمانی اور ذہنی طور پر تیار کر رہے ہیں۔خیال رہے کہ النصر نے اپنے جیت کے تسلسل کو برقرار رکھا ہوا ہے، کلب نے جدہ کی ٹیم کو 4-0 سے شکست دی، کرسٹیانو رونالڈو کے نہ ہونے کے باوجود ایک اور پرتگالی پلیئر جواؤ فیلکس نے میچ میں متاثر کن کارکردگی کا مظاہرہ کیا۔

Facebook Twitter Google + Share on Whatsapp

النصر نے کرسٹیانو رونالڈو کو ٹیم میں کیوں شامل نہیں کیا منیجر نے آگاہ کر دیا

متعلقہ عنوان :

مزید کھیلوں کی خبریں