سوشل میڈیا پر اسلحہ کی نمائش ،سرعام ہوائی فائرنگ کرنے والا ملزم گرفتار

جمعرات 25 ستمبر 2025 15:41

لاہور (اُردو پوائنٹ اخبارتازہ ترین - این این آئی۔ 25 ستمبر2025ء) سوشل میڈیا پر اسلحہ کی نمائش اور سرعام ہوائی فائرنگ کرنے والے ملزم کو گرفتار کر لیا گیا ۔ گڑھی شاہو پولیس نے بروقت کارروائی کی ،پٹرولنگ ٹیم نے سٹاپ اینڈ سرچ میتھڈ کے دوران ملزم کو گرفتار کیا ۔ملزم کی شناخت گڑھی شاہو چوک کے قریب کی گئی ۔

(جاری ہے)

ملزم کی اسلحہ کی نمائش کی متعدد ویڈیوز سوشل میڈیا پر وائرل ہیں۔ملزم دائود کے قبضے سے غیر قانونی پسٹل اور گولیاں برآمد کر لی گئیں ۔ ملزم کے خلاف مقدمہ درج کر کے انوسٹی گیشن ونگ کے حوالے کر دیا گیا۔ایس پی سِول لائنز چوہدری اثر علی نے کہا کہ اسلحہ کی نمائش،ہوائی فائرنگ کے خلاف بلا امتیاز کارروائیاں جاری ہیں ۔