لاہوردنیا بھر میں فضائی آلودگی کے اعتبار سے پہلے نمبر پر آگیا

جمعرات 25 ستمبر 2025 15:41

لاہور (اُردو پوائنٹ اخبارتازہ ترین - این این آئی۔ 25 ستمبر2025ء)موسم سرما کے آنے سے قبل ہی لاہور میں فضائی آلودگی سر اٹھانے لگی، لاہور دنیا بھر میں فضائی آلودگی کے اعتبار سے پہلے نمبر پر آگیا، ایئرکوالٹی انڈکس 185ریکارڈ کیا گیا۔تفصیلات کے مطابق لاہور میں فضائی آلودگی کا مسئلہ خطرے کی گھنٹی بجانے لگا۔

(جاری ہے)

لاہور کا ایئرکوالٹی انڈکس دنیا کے باقی تمام ممالک سے انتہائی ناقص ہوگیا، فضائی آلودگی کے اعتبار سے لاہور دنیا بھر میں ناقص ترین آب و ہوا میں پہلے نمبر پر ہے، بنگلا دیش کا شہر ڈھاکہ دوسرے جبکہ انڈونیشیا کا شہر جکارتہ تیسرے نمبر پر رہا۔

طبی ماہرین کا کہنا ہے کہ یہ فضاء سانس لینے کیلئے مہلک ہے جبکہ ماحولیاتی ماہرین کا کہنا ہے کہ ابھی سے مناسب اقدامات نہ کیے گئے تو موسم سرما میں اس کے سنگین نتائج آسکتے ہیں۔