Live Updates

ریسکیو 1122 ملتان نے 24گھنٹوں میں 379افرادکوریسکیوکیا،ترجمان

جمعہ 26 ستمبر 2025 15:33

ملتان (اُردو پوائنٹ اخبارتازہ ترین - اے پی پی۔ 26 ستمبر2025ء) ریسکیو 1122 ملتان کی جانب سے 24گھنٹوں میں 357ایمرجنسیز میں مجموعی طور 379افرادکوریسکیوکیاگیا۔ترجمان ریسکیو 1122 ملتان کےمطابق گزشتہ 24 گھنٹوں کےدوران ملتان شہرمیں343 ،شجاع آبادمیں 8 اور جلال پورپیروالامیں6ایمرجینسیز پیش آئیں جن میں ٹریفک حادثات کی تعداد94ہے،ملتان شہر میں90جبکہ شجاع آباداور جلال پور پیر والا میں 2،2ٹریفک حادثات پیش آئے۔

ریسکیو 1122 کی ٹیموں نےضلع بھر میں212میڈیکل ایمرجنسیزمیں مریضوں کومختلف ہسپتالوں میں منتقل کیا،ملتان شہر میں207،شجاع آباد میں 3 اور جلال پور پیر والا میں 2میڈیکل ایمرجینسیز اٹینڈ کی گئیں۔ایک بلڈنگ،8 کرائم اور32متفرق ایمرجینسیزپرریسکیوکیا گیا۔مجموعی طور پر379افراد کو ریسکیو کیا گیا،ملتان شہر میں363،شجاع آباد میں9 اور جلال پور پیر والا میں7افرادکوریسکیوکیا گیا۔

(جاری ہے)

ریسکیو 1122 نے گزشتہ 24 گھنٹوں کے دوران ملتان ،شجاع آباد اور جلال پور پیر والا میں دریائے چناب اور دریائے ستلج کے سیلاب سے متاثرہ علاقوں میں متاثرین کو ٹرانسپورٹیشن سروسز فراہم کیں۔ اس سہولت کے تحت سیلاب کے دوران قائم کیے گئے ریلیف کیمپوں میں مقیم افراد کو اپنے گھروں تک پہنچانے کے لئے ٹرانسپورٹ فراہم کی گئی جبکہ وہ متاثرین جو کیمپوں میں منتقل نہیں ہو سکے تھےانہیں کھانے اور راشن کی فراہمی بھی یقینی بنائی گئی۔ اس ٹرانسپورٹیشن سروس سے 490 افراد نے استفادہ حاصل کیا۔