ڈپٹی کمشنر جہلم ویلی اور ایس پی عباس علی گردیزی کی سربراہی میں ضلعی پولیس و مجسٹریٹس کا فلیگ مارچ

ہفتہ 27 ستمبر 2025 20:19

مظفر آباد (اُردو پوائنٹ اخبارتازہ ترین - اے پی پی۔ 27 ستمبر2025ء) ڈپٹی کمشنر جہلم ویلی محترمہ بینش جرال اور ایس پی عباس علی گردیزی کی سربراہی میں ضلعی پولیس و مجسٹریٹس نے فلیگ مارچ کیا۔ فلیگ مارچ میں پولیس افسران، مجسٹریٹس اور ضلعی انتظامیہ ریسکیو 1122 ،سیول ڈیفینس کے علاوہ دیگر ذمہ داران شریک تھے، فلیگ مارچ ڈپٹی کمشنر آفس سے شروع ہوا اور ہٹیاں بالا کے مختلف علاقوں بازاروں سے ہوتے ہوا چکوٹھی کے مقام پر اختتام پذیر ہوا۔

(جاری ہے)

اس موقع پر سکیورٹی اہلکاروں نے مکمل الرٹ رہتے ہوئے مختلف علاقوں کا گشت بھی کیا ۔ڈپٹی کمشنر جہلم ویلی اور ایس پی عباس علی گردیزی نے اس موقع پر گفتگو کرتے ہوئے کہا کہ ضلعی انتظامیہ اور قانون نافذ کرنے والے ادارے عوام کے جان و مال کے تحفظ کے لیے ہمہ وقت کوشاں ہیں، فلیگ مارچ کے ذریعے یہ پیغام دیا جا رہا ہے کہ امن و امان کو یقینی بنانے کے لیے تمام تر وسائل بروئے کار لائے جا رہے ہیں اور کسی بھی قسم کی قانون شکنی برداشت نہیں کی جائے گی۔