غیر ملکیوں کی سکیورٹی کیلئے قائم سپیشل پروٹیکشن یونٹ کی تشکیل نو کا فیصلہ

ریجنل دفاترکاقیام،جدیدٹریننگ ماڈیولز،لاجسٹکس سے ایس پی یوکی استعدادکارمیں اضافہ کیا جائیگا

اتوار 28 ستمبر 2025 12:50

لاہور(اُردو پوائنٹ اخبارتازہ ترین - این این آئی۔ 28 ستمبر2025ء)غیرملکی وچینی باشندوں، سیاحوں کی سکیورٹی کے پیش نظر سپیشل پروٹیکشن یونٹ کی تشکیل نوکافیصلہ کر لیا گیا جس کے تحت ریجنل دفاترکاقیام،جدیدٹریننگ ماڈیولز،لاجسٹکس سے ایس پی یوکی استعدادکارمیں اضافہ کیا جائے گا۔

(جاری ہے)

آئی جی پنجاب ڈاکٹر عثمان انور نے ایس پی یو ہیڈکوارٹرز مناواں کا دورہ کیا، ڈی آئی جی ایس پی یو اینڈ ویلفیئر غازی محمد صلاح الدین بھی ان کے ہمراہ تھے، ڈی آئی جی ٹریفک وقاص نذیر، سی ٹی او لاہور ڈی آئی جی اطہر وحید، چیف ایڈمنسٹریشن آفیسر سیف سٹیز عمارہ اطہر سمیت سینئر افسران ہمراہ تھے۔

ڈی آئی جی ایس پی یو غازی محمد صلاح الدین نے یونٹ کے سکیورٹی مانیٹرنگ سسٹمز بارے بریفنگ دی، آئی جی نے ریجنل سطح پرایس پی یو کی تنظیم نو کیلئے سفارشات پرمبنی لاز ڈرافٹ کرنے کیلئے کمیٹی تشکیل کا حکم دیا۔دیگریونٹس کی طرح ایس پی یواہلکاروں کیلئے بھی سروس سٹرکچر، پروموشن روڈمیپ بنانے کی ہدایت کی گئی ہے ۔ ضلعی پولیس میں شمولیت کے بعدایس پی یواہلکارسروس کیریئرمیں اگلے عہدوں پرترقی کے اہل ہوں گیآئی جی پنجاب نے ایس پی یو کے لدھیکے میں زیرتعمیر ہیڈکوارٹر کو بھی جلد از جلد مکمل کرنے کی ہدایت کی۔