سیکنڈ سیڈڈ کوکوگف چائنا اوپن ٹینس ویمنز سنگلز پری کوارٹر فائنل میں پہنچ گئی

اتوار 28 ستمبر 2025 14:50

بیجنگ (اُردو پوائنٹ اخبارتازہ ترین - اے پی پی۔ 28 ستمبر2025ء) امریکا کے نامور ٹینس سٹار ، دفاعی چیمپئن اور ایونٹ کی سیکنڈ سیڈڈ کوکوگف اپنی فتوحات کے تسلسل کو برقرار رکھتے ہوئے چائنا اوپن ٹینس ٹورنامنٹ میں خواتین کے سنگلز مقابلوں کے پری کوارٹر فائنل رائونڈ میں پہنچ گئی ۔

(جاری ہے)

سپورٹس ویب سائٹ کے مطابق 21 سالہ دفاعی چیمپئن کوکوگف نے ویمنز سنگلز کے تیسرے رائونڈ میں کینیڈین حریف کھلاڑی لیلہ اینی فرنینڈز کو شکست دی ۔

چین کے دارالحکومت بیجنگ کے نیشنل ٹینس سینٹرمیں جاری چائنا اوپن ٹینس ٹورنامنٹ میں خواتین کے سنگلز مقابلوں کے تیسرے رائونڈ میں 21 سالہ امریکی ٹینس سٹار کوکوگف نے عمدہ کھیل پیش کرتے ہوئے کینیڈین حریف کھلاڑی لیلہ اینی فرنینڈز کو 4-6، 6-4 اور 5-7 سے شکست دے کر ٹورنامنٹ کے پری کوارٹر فائنل رائونڈ کے لئے کوالیفائی کرلیا۔