ٹ* پنجاب ایجوکیشن فاؤنڈیشن میں بھرتیوں کا اعلان، سو سے زائد آسامیاں

مختلف عہدوں پر بھرتیوں کے لیے اہلیت، قابلیت اور عمر کی شرائط تفصیلی اشتہار میں جاری کی جائیں گی امیدواروں کی درخواستیں وصول کی جا رہی ہیںپنجاب ایجوکیشن فاؤنڈیشن کا 26 ستمبر کو بھرتیوں کا اعلان

اتوار 28 ستمبر 2025 18:30

لاہور (اُردو پوائنٹ اخبارتازہ ترین - آن لائن۔ 28 ستمبر2025ء) پنجاب ایجوکیشن فاؤنڈیشن (PEF) نے 26 ستمبر 2025 کو مختلف شعبوں میں بھرتیوں کا اعلان کیا ہے۔ ادارے کے مطابق 100 سے زائد آسامیوں پر امیدوار بھرتی کیے جائیں گے، جن کے لیے درخواست جمع کرانے کا عمل شروع کر دیا گیا ہے۔تفصیلات کے مطابق ڈپٹی ڈائریکٹرز کی 18 نشستیں رکھی گئی ہیں جن کی ماہانہ تنخواہ روپے 196,250 مقرر کی گئی ہے۔

اسی طرح اسسٹنٹ ڈائریکٹرز کے لیے 26 آسامیاں ہیں جن کی تنخواہ روپے 131,250 مقرر کی گئی ہے۔ آفیسرز (پروگرامز) کے لیے 40 نشستیں رکھی گئی ہیں جن کی ماہانہ تنخواہ روپے 93,750 ہوگی۔مزید برآں، انگریزی، ریاضی، سائنس اور اردو کے مضامین کے لیے سبجیکٹ اسپیشلسٹ کی 8 آسامیاں مختص ہیں جبکہ نیٹ ورک سپورٹ انجینئرز، ایگزیکٹو اسسٹنٹس اور ڈرائیورز کے لیے بھی بھرتیاں کی جا رہی ہیں۔

(جاری ہے)

ڈرائیورز کے لیے 10 نشستوں پر ماہانہ تنخواہ روپے 57,500 رکھی گئی ہے۔امیدواروں کی اہلیت کے حوالے سے بتایا گیا ہے کہ درخواست دہندگان کی عمر 33 سے 40 سال کے درمیان ہونی چاہیے۔ تعلیمی قابلیت اور تجربے سے متعلق مکمل شرائط جلد جاری کیے جانے والے تفصیلی اشتہار میں شامل ہوں گی۔پنجاب ایجوکیشن فاؤنڈیشن نے امیدواروں کو ہدایت کی ہے کہ وہ اپنی درخواستیں آفیشل ویب سائٹ پر جمع کروائیں۔ درخواست جمع کرانے کی آخری تاریخ کا اعلان بھی جلد کر دیا جائے گا۔

Facebook Twitter Google + Share on Whatsapp

ٹ* پنجاب ایجوکیشن فاؤنڈیشن میں بھرتیوں کا اعلان، سو سے زائد آسامیاں

متعلقہ عنوان :

مزید قومی خبریں