Live Updates

ہم نے ایشیا کپ میں اچھی کرکٹ کھیلی لیکن ٹرافی نہیں دی گئی: بھارتی کپتان کا شرمندہ ہونے کی بجائے شکوہ

بھارتی کپتان کھیل میں سیاست لانے، پورے ٹورنامنٹ میں سپورٹس مین سپرٹ کی خلاف ورزی سے متعلق پاکستانی صحافی کا سوال ہی گول کرگئے

ذیشان مہتاب پیر 29 ستمبر 2025 11:06

ہم نے ایشیا کپ میں اچھی کرکٹ کھیلی لیکن ٹرافی نہیں دی گئی: بھارتی کپتان ..

دبئی (اردو پوائنٹ تازہ ترین اخبار ۔ 29 ستمبر 2025ء ) ایشیا کپ ٹی ٹونٹی کے فائنل میچ کے بعد بھارٹی ٹیم کے کپتان سوریا یادیو سے پورے ٹورنامنٹ میں اسپورٹس مین اسپرٹ کی خلاف ورزیوں پر صحافیوں نے تابڑ توڑ سوالات کردیے۔

صحافیوں کے پے در پے سوالات کے جوابات دینے کے بجائے بھارتی کپتان اسے گول گرتے رہے، ایک صحافی نے ٹرافی سے متعلق سوال کیا کہ تو بھارتی کپتان بات گھماتے نظر آئے۔

کپتان سوریا کمار نے کہا کہ ٹرافی سے متعلق ہمیں کسی نے نہیں بولا بلکہ یہ فیصلہ ہم نے گراؤنڈ میں کیا۔ انہوں نے کہا کہ چیمپئنز کا بورڈ آیا واپس چلا گیا وہ بھی دیکھا۔

بھارتی کپتان سوریا کمار یادیو نے پریس کانفرنس میں کہا کہ میں نے اپنے کیریئر میں کبھی نہیں دیکھا کہ ٹرافی جیتنے والی ٹیم کو نہ دی گئی ہو۔

(جاری ہے)

انہوں نے شرمندہ ہونے کے بجائے شکوہ کیا کہ بھارتی کرکٹ ٹیم نے ایشیاکپ میں اچھی کرکٹ کھیلی لیکن ٹرافی نہیں دی گئی، ہم نے ایشیاء کپ کی ٹرافی کو محسوس کرلیا ہے۔

پریس کانفرنس کے دوران بھارتی کپتان سے کھیل میں سیاست کو لانے، پاکستانی ٹیم سے ہاتھ نہ ملانے اور پورے ٹورنامنٹ میں سپورٹس مین سپرٹ کی خلاف ورزی سے متعلق پاکستانی صحافی نے سوال کیا تو بھارتی کپتان جواب دینے کے بجائے سوال ہی گول کرگئے۔

بھارتی میڈیا مینجر نے پریس کانفرنس کے دوران ایک پاکستانی صحافی کا سوال لینے سے ہی منع کردیا۔