Live Updates

ایشیاء کپ، کلدیپ یادو بھی پاکستانی ٹیم کی فائٹنگ سپرٹ کے معترف

اچھا لگتا ہے جب آپ کسی اچھی ٹیم کو ہراتے ہیں، پاکستان نے بھی شاندار کھیل پیش کیا : سپنر

ذیشان مہتاب جمعہ 3 اکتوبر 2025 15:07

ایشیاء کپ، کلدیپ یادو بھی پاکستانی ٹیم کی فائٹنگ سپرٹ کے معترف

لاہور (اردو پوائنٹ تازہ ترین اخبار ۔ 3 اکتوبر 2025ء ) دبئی میں کھیلے گئے ایشیاء کپ 2025ء کے سنسنی خیز فائنل میچ کے بعد بھارتی سپنر کلدیپ یادو نے پاکستان کی فائٹنگ اسپرٹ کو سراہا ہے۔

ایک انٹرویو میں ان کا کہنا تھا کہ ہم نے جیت کے بعد بہت انجوائے کیا، اچھا لگتا ہے جب آپ کسی اچھی ٹیم کو ہراتے ہیں، پاکستان نے بھی شاندار کھیل پیش کیا۔

(جاری ہے)

انہوں نے کہا کہ جب ہم 20 رنز پر تین وکٹیں گنوا بیٹھے تھے تو میچ ان کے حق میں جاسکتا تھا لیکن ہماری ٹیم نے بہترین کم بیک کیا اور سب نے برابر کا کردار ادا کیا۔

کلدیپ یادو نے مزید کہا کہ ٹیم کی جیت میں ہر کھلاڑی نے کردار ادا کیا، ابھیشیک شرما اور تلک ورما کی بیٹنگ، اکشر پٹیل کی بولنگ، سیمسن اور تلک کی پارٹنرشپ اور چکرورتی کی وکٹیں سب اتنے ہی اہم تھے جتنے میرے چار شکار۔

ان کا کہنا تھا کہ دنیا میں اس سے بڑی خوشی کوئی نہیں کہ آپ ٹیم کی جیت میں حصہ ڈالیں۔

#AsiaCup | "Nothing beyond one's contribution in team's success": Indian Cricketer Kuldeep Yadav@vimalsports pic.twitter.com/ufyu768jc5
— NDTV (@ndtv) September 29, 2025