Live Updates

میچ ریفری اینڈی پائی کرافٹ کے حوالے سے بھارت اپنی اصلیت دکھانے لگا

ایشیاء کپ میں تنازع کا باعث بننے والے ’چہیتے‘ پائی کرافٹ بھارت اور ویسٹ انڈیز کے درمیان پہلے ٹیسٹ کے میچ ریفری ہیں

ذیشان مہتاب جمعہ 3 اکتوبر 2025 12:25

میچ ریفری اینڈی پائی کرافٹ کے حوالے سے بھارت اپنی اصلیت دکھانے لگا

لاہور (اردو پوائنٹ تازہ ترین اخبار ۔ 3 اکتوبر 2025ء ) بھارت اپنے چہیتے میچ ریفری اینڈی پائی کرافٹ کو سر آنکھوں پر بٹھانے لگا۔

ایشیا کپ کے دوران تنازع کا باعث بننے والے پائی کرافٹ ہی گزشتہ روز احمد آباد میں شروع ہونے والے بھارت اور ویسٹ انڈیز کے درمیان پہلے ٹیسٹ کے میچ ریفری ہیں۔

ٹاس کے موقع پر سابق بھارتی کرکٹر اور موجودہ کمنٹیٹر روی شاستری نے اپنی جانب سے پاکستان پر چوٹ کرنے کیلئے کہا کہ ’’اینڈی پائی کرافٹ کی دبئی سے براہ راست ہاٹ سیٹ پر گھر واپسی‘‘۔

ان کے اس فقرے پر بھارتی شائقین بہت خوش ہورہے ہیں۔

یاد رہے کہ ایشیا کپ میں پاک بھارت کرکٹ میچ میں ریفری اینڈی پائی کرافٹ کے متنازع کردار پر پاکستان نے ان کیخلاف شدید احتجاج کیا تھا۔

(جاری ہے)

پاکستان نے یو اے ای کیخلاف میچ میں اینڈی پائی کرافٹ کو ذمہ داریاں دینے پر میچ کے بائیکاٹ کا بھی فیصلہ کیا تھا، پاکستان کے مطالبے پر آئی سی سی کا ہنگامی اجلاس ہوا جس میں پی سی بی اور آئی سی سی کے درمیان اس معاملے پر کافی دیر ڈیڈلاک رہا جو بعد ازاں ختم ہوا۔

اس دوران پی سی بی کے حکم پر قومی ٹیم ہوٹل میں ہی رہی اور میچ کھیلنے نہیں گئی، اس دوران میچ کھیلنے کا وقت آئی سی سی نے ایک گھنٹہ بڑھا دیا گیا۔

پی سی بی نے اپنے حتمی فیصلے سے آئی سی سی کو آگاہ کیا جس پر آئی سی سی نے معاملے کی تحقیقات کا فیصلہ کیا ہے جب کہ میچ ریفری اینڈی پائی کرافٹ نے معافی مانگ جس پر پی سی بی نے قومی ٹیم کو اسٹیڈیم جانے کا گرین سگنل دیا، بعد ازاں دبئی کے ہوٹل میں موجود ٹیم میچ کھیلنے کے لیے سٹیڈیم پہنچی اور یو اے ای سے میچ کھیلا۔