Live Updates

کینیڈا میں پارلیمنٹ ہل پرسالانہ کرکٹ ایڈووکیسی ڈے کا انعقاد

پیر 29 ستمبر 2025 13:55

اوٹاوا (اُردو پوائنٹ اخبارتازہ ترین - این این آئی۔ 29 ستمبر2025ء)کینیڈا کے دارالحکومت اٹاوہ کے پارلیمنٹ ہل میں سالانہ کرکٹ ایڈووکیسی ڈے منایا گیا۔ پورے دن کی سرگرمیوں کا اہتمام پاکستانی نژاد کینیڈین رکن پارلیمنٹ اقرا خالد کی سربراہی اور کامن ویلتھ پارلیمنٹری ایسوسی ایشن کے اشتراک سے کیا گیا۔اس موقع پر ارکانِ پارلیمنٹ، سفارت کاروں اور کمیونٹی رہنماں نے کینیڈا بھر میں کرکٹ کے بڑھتے رجحان کو اجاگر کیا اور کینیڈین حکومت سے اس کھیل کے ڈھانچے کو مضبوط کرنے کی اپیل کی۔

(جاری ہے)

وفد کی قیادت کینیڈین کالج اینڈ یونیورسٹی کرکٹ کے صدر حسن مرزا نے کی۔انہوں نے حکومتی نمائندوں سے ملاقات کر کے مطالبات پیش کیے کہ کینیڈا میں عالمی معیار کا کرکٹ اسٹیڈیم بنایا جائے، کرکٹ کے پروگرامز کے لیے مستقل وفاقی فنڈنگ کی جائے اور اسکولوں، یونیورسٹیوں میں کرکٹ کو فروغ دیا جائے۔رکنِ پارلیمنٹ اقرا خالد نے کہا کہ کرکٹ کینیڈا میں اتحادو اتفاق علامت ہے، ہمیں 3 لاکھ سے زائد کھلاڑیوں کو مناسب سہولتیں فراہم کرنی چاہئیں۔ریڈیو ہال گرانڈز میں پِچ فار پیس کے عنوان سے ارکانِ پارلیمنٹ اور سفارتکاروں کے درمیان دوستانہ کرکٹ میچ بھی کھیلا گیا۔