اقوام متحدہ نے دوبارہ پابندیاں عائد کر دیں، ایران کا سخت جواب کا اعلان

پیر 29 ستمبر 2025 13:55

نیویارک (اُردو پوائنٹ اخبارتازہ ترین - این این آئی۔ 29 ستمبر2025ء)اقوامِ متحدہ کی جانب سے دوبارہ پابندیاں عائد کیے جانے پر ایران نے خبردار کیا ہے کہ اس اقدام کا سخت جواب دیا جائے گا۔2006 سے 2010 کے درمیان سلامتی کونسل کی منظور شدہ قراردادوں کے تحت ایران پر لگائی گئیں اقوام متحدہ کی پابندیاں دوبارہ نافذ ہو گئی ہیں۔

(جاری ہے)

ایرانی وزارتِ خارجہ کا اس معاملے پر کہنا تھا کہ منسوخ شدہ قراردادوں کو دوبارہ فعال کرنا قانونی طور پر بے بنیاد اور ناقابلِ جواز ہے۔انہوں نے اقوامِ متحدہ کی نئی پابندیوں کو بلاجواز قرار دیتے ہوئے مزید کہا کہ قومی حقوق اور مفادات کا مضبوطی سے دفاع کریں گے، ایرانی عوام کے حقوق اور مفادات کو نقصان پہنچانے والے کسی بھی اقدام کا مناسب اور سخت جواب دیا جائے گا۔