5 سال قبل جمع ڈیمانڈ نوٹسز پر کنکشن دینے کا عمل شروع

صارفین سے قدرتی گیس کی بجائے ایل این جی کا معاہدہ کیا جائے گا، صارفین قدرتی گیس کی بجائے امپورٹڈ ایل این جی پر کنکشن لے سکیں گے

منگل 30 ستمبر 2025 18:00

لاہور(اُردو پوائنٹ اخبارتازہ ترین۔ 30 ستمبر2025ء)ایل این جی کی بنیاد پر گھریلو صارفین کو کنکشن دینے کے معاملے میں اہم پیشرفت ہوئی ہے ، سوئی ناردرن نے 5سال قبل جمع ڈیمانڈ نوٹسز پر کنکشن دینے کا عمل شروع کر دیا۔کمپنی نے جمع ہونے والے ڈھائی لاکھ ڈیمانڈ نوٹسز پر کنکشن دینے کا عمل شروع کیا، پہلے سے جمع ڈیمانڈ نوٹسز پر صارفین کو نیا معاہدہ کرنے کیلئے لیٹرز بھجوا دیئے گئے ہیں۔

(جاری ہے)

لیٹرز کے تحت صارفین سے قدرتی گیس کی بجائے ایل این جی کا معاہدہ کیا جائے گا، صارفین قدرتی گیس کی بجائے امپورٹڈ ایل این جی پر کنکشن لے سکیں گے۔کمپنی کی جانب سے صارفین کو لیٹر بھجوا کر معاہدے کیلئے صارفین کو دفاتر بلا کر قومی شناختی کارڈ اور انگوٹھا کا نشان لگوا کر صارفین کے ساتھ معاہدہ کیا جائے گا۔ صارفین کی جانب سے معاہدہ نہ ہونے پر کمپنی جمع ڈیمانڈ نوٹسز پرکنکشن نہیں دے گی، صارفین کومعاہدے کے تحت ڈیمانڈ نوٹس کی مد میں اضافی رقم بھی ادا کرنا ہو گی، صارفین کو درخواست پر درج ایڈریس اور موبائل نمبر کی بنیاد پر لیٹر بھجوائے گئے۔