روہڑی میں چوری کی انوکھی واردات ، نوسر باز دکاندار کو بے وقوف بنا کر نقدی لوٹ کر فرار

منگل 30 ستمبر 2025 19:45

سکھر (اُردو پوائنٹ اخبارتازہ ترین - این این آئی۔ 30 ستمبر2025ء)روہڑی میں چوری کی انوکھی واردات ، نوسر باز دکاندار کو بے وقوف بنا کر نقدی لوٹ کر فرار ، سی سی ٹی وی فوٹیج منظر عام پر آگئی ، تفصیلات کے مطابق روہڑی میں چوری کی انوکھی واردات دیکھنے میں آئی ہے اور یہ واردات روہڑی کے ڈھک بازار میں پیش آئی ہے ، سوشل میڈیا پر چلنے والی سی سی ٹی وی فوٹیج میں صاف دیکھا جا رہا ہے کہ ایک شخص دکان کے باہر آٹا گرا رہا ہے، آٹا گرانے کے بعد وہ شخص دکاندار کو باہر بلاتا ہے اور دکاندار جیسے ہی دکان سے باہر آتا ہے تو دوسرا شخص دکان میں گھس جاتا ہے فوٹیج میں دکان میں گھسنے والا شخص دکان کے گلے سے پیسے نکال کر باہر نکلتا ہوا نظر آرہا ہے دوسری جانب دکاندار بیبو میل نے بتایا کہ چور دکان سے ہزاروں روپے چوری کرکے لے گیا ہے واردات کی اطلاع ملنے کے باوجود چند قدم کے فاصلے پر واقع روہڑی تھانے کی پولیس نہ پہنچی، متاثرہ دکاندار نے بالا حکام سے نوٹس لیکر چوری شدہ رقم برآمد کرانے کی اپیل کی ہے ۔