جمعةالمبارک، آئی جی پنجاب ڈاکٹر عثمان انور کی لاہور سمیت صوبہ بھر کی سکیورٹی بڑھانے کی ہدایت

جمعہ 3 اکتوبر 2025 19:50

=لاہور (اُردو پوائنٹ اخبارتازہ ترین - آن لائن۔ 03 اکتوبر2025ء) انسپکٹر جنرل پولیس پنجاب ڈاکٹر عثمان انور نے جمعةالمبارک کے موقع پر لاہور سمیت صوبہ بھر کے سکیورٹی انتظامات بڑھانے کی ہدایت دیتے ہوئے کہا کہ مساجد، امام بارگاہوں، مزارات اور اہم مقامات کی سکیورٹی ہر صورت یقینی بنائی جائے۔ انہوں نے کہا کہ معاشرے کی اصلاح، امن و انصاف کی فراہمی میں ممبر و محراب کا نہایت اہم کردار ہے۔

(جاری ہے)

آئی جی پنجاب نے ڈی پی اوز سمیت سینئر پولیس افسران کو ہدایت کی کہ وہ جمعتہ المبارک کے موقع پر علاقائی مساجد کا دورہ کریں اور نماز جمعہ کے بعد شہریوں کے مسائل سنیں۔ انہوں نے کہا کہ اسلام کی روح اور تعلیمات کے مطابق مساجد کو کمیونٹی سے رابطے کا مرکز بنایا جا رہا ہے تاکہ شہری براہِ راست پولیس سے اپنے مسائل بیان کر سکیں۔ڈاکٹر عثمان انور نے مزید کہا کہ معاشرے کی اصلاح، تعمیر و ترقی میں مساجد کی ضرورت اور افادیت انتہائی اہم ہے۔ سینئر افسران مساجد کے ذریعے شہریوں کے گھر کی دہلیز پر ان کے مسائل سن کر حل کریں اور انہیں پولیس کی طرف سے فراہم کی جانے والی خدمات اور سہولیات سے بھی آگاہ کیا جائی