ایران میں اسرائیل سے تعلق کے الزام میں 6 عسکریت پسندوں کو پھانسی دے دی گئی

ہفتہ 4 اکتوبر 2025 22:53

تہران (اُردو پوائنٹ اخبارتازہ ترین - آن لائن۔ 04 اکتوبر2025ء) ایران نے اسرائیل سے تعلق کے الزام میں 6 عسکریت پسندوں کو پھانسی دے دی۔ ایرانی سرکاری خبر رساں ادارے کے مطابق ایران نے چھ جنگجوؤں کو سزائے موت دی ہے جن پر اسرائیل کے ساتھ روابط رکھنے کا الزام تھا۔

(جاری ہے)

ایرانی میڈیا کے مطابق ایک مذہبی رہنما کے قتل کے الزام میں ایک کُرد عسکریت پسند کو بھی سزائے موت دی گئی ہے۔ایرانی میڈیا کے مطابق اِن افراد پر ایران کے سیکیورٹی اداروں اور مذہبی شخصیات کو نشانہ بنانے، تخریبی سرگرمیوں اور اسرائیل کی انٹیلی جنس ایجنسی کے ساتھ تعاون کرنے کے الزامات عائد کیے گئے تھے۔ دوسری جانب ایرانی عدالتی حکام کا کہنا ہے کہ ملزمان کے خلاف شواہد اور اعترافی بیانات موجود تھے۔