ریسکیو 1122 ملتان نے 24 گھنٹوں کےدوران ضلعے میں 359 افراد کو ریسکیو کیا ،ترجمان

پیر 6 اکتوبر 2025 13:10

ملتان (اُردو پوائنٹ اخبارتازہ ترین - اے پی پی۔ 06 اکتوبر2025ء) ریسکیو 1122 نے 24گھنٹوں کے دوران ضلع ملتان میں327ایمرجنسیز میں مجموعی طور359افرادکوریسکیوکیا۔ترجمان ریسکیو 1122کےمطابق گزشتہ چوبیس گھنٹوں کےدوران ملتان شہر میں312 ،شجاع آبادمیں11 اور جلال پورپیروالامیں چار ایمرجینسیز پیش آئیں جن میں ٹریفک حادثات کی تعداد90 رہی،ان میں سے ملتان شہر میں86،شجاع آبادمیں تین اور جلال پور پیر والا میں ایک ٹریفک حادثہ پیش آیا۔

ریسکیو 1122 کی ٹیموں نےضلع بھر میں190میڈیکل ایمرجنسیزمیں مریضوں کومختلف ہسپتالوں میں شفٹ کیا،ملتان شہر میں183،شجاع آباد میں چار اور جلال پور پیر والا میں تین میڈیکل ایمرجینسیز اٹینڈ کی گئیں۔دو آگ لگنے،چھ کرائم اور27متفرق ایمرجینسیزپر بھی ریسکیوکیا ،مجموعی طور پر359افراد کو ریسکیو کیا گیا جن میں سے ملتان شہر میں335،شجاع آباد میں 19ور جلال پور پیر والا میں پانچ افرادکوریسکیوکیا گیا۔

(جاری ہے)

ریسکیو 1122 نے 24 گھنٹوں کے دوران ملتان ،شجاع آباد اور جلال پور پیر والا میں دریائے چناب اور دریائے ستلج کے سیلاب سے متاثرہ علاقوں میں متاثرین کو ٹرانسپورٹیشن سروس فراہم کی جس کے تحت سیلاب کے دوران قائم کیے گئے ریلیف کیمپوں میں مقیم افراد کو اپنے گھروں تک پہنچانے کے لیے ٹرانسپورٹ مہیا کی گئی جبکہ وہ متاثرین جو کیمپوں میں منتقل نہیں ہو سکے تھےانہیں کھانے اور راشن کی فراہمی بھی یقینی بنائی گئی۔ اس ٹرانسپورٹیشن سروس سے 550افراد نے استفادہ حاصل کیا۔