اسرائیل نے گریٹا تھنبرگ سمیت مزید 171رضاکاروں کو ملک بدر کر دیا

پیر 6 اکتوبر 2025 21:05

تل ابیب (اُردو پوائنٹ اخبارتازہ ترین - این این آئی۔ 06 اکتوبر2025ء) اسرائیل نے غزہ میں خوراک اور ادویہ لے جانے کی کوشش پر گرفتار کئے گئے مزید 171کو ملک بدر کردیا ۔ غیر ملکی میڈیا کے مطابق اسرائیلی نے ان افراد کو جنوبی اسرائیل کے رامون انٹرنیشنل ایئرپورٹ سے یونان اور سلواکیہ بھیجا گیا۔ملک بدر کئے گئے رضا کاروں میں سویڈن کی عالمی شہرت یافتہ ماحولیاتی کارکن گریٹا تھنبرگ بھی شامل ہیں۔

(جاری ہے)

گریٹا تھنبرگ سمیت کئی رضاکاروں نے اسرائیل پر الزام عائد کیا کہ انہیں غیر قانونی حراست اور غیر انسانی حالات میں رکھا گیا اور ان کی بنیادی آزادیوں کو سلب کیا گیا۔ادھر اسرائیلی حکام نے الزام عائد کیا ہے کہ حراست کے دوران ایک ہسپانوی رضاکار نے جیل میں ایک طبی عملے کو کاٹ لیا تھا۔اسرائیلی حکام کے مطابق اب تک مجموعی طور پر 341رضاکار ملک بدر کئے جا چکے ہیں جبکہ 138اب بھی زیر حراست ہیں۔حکام کے مطابق ملک بدر کئے جانے والوں کا تعلق یونان، اٹلی، فرانس، آئرلینڈ، سویڈن، پولینڈ، جرمنی، بلغاریہ، لتھوانیا، آسٹریا، لگزمبرگ، فن لینڈ، ڈنمارک، سلواکیہ، سوئٹزرلینڈ، ناروے، برطانیہ، سربیا اور امریکا سے ہے۔