Live Updates

پشاور میڈیکل کالج میں فلسطین کے ساتھ اظہارِ یکجہتی کے لیے واک منعقد

منگل 7 اکتوبر 2025 14:58

پشاور (اُردو پوائنٹ اخبارتازہ ترین - اے پی پی۔ 07 اکتوبر2025ء) پشاور میڈیکل کالج میں منگل کے روز فلسطین کے ساتھ اظہارِ یکجہتی کے لیے واک کا انعقاد کیا گیا۔تر جمان پشاور میڈیکل کالج کے مطابق واک کا مقصد مظلوم فلسطینی عوام کی دو سالہ جدوجہد،قربانیوں اور ثابت قدمی کو خراجِ تحسین پیش کرنا اور اُن کے حقِ خودارادیت،عزت و وقار کے لیے غیر متزلزل حمایت کا اظہار کرنا تھا۔

(جاری ہے)

واک میں پروفیسر ڈاکٹر ظہور احمد سواتی، ڈائریکٹر رِفاہ انٹرنیشنل یونیورسٹی پشاور کیمپس؛ پروفیسر ڈاکٹر سعید انور ایگزیکٹیو ڈائریکٹر،پروفیسر ڈاکٹر محمد امان خان، پرنسپل پشاور میڈیکل کالج، پروفیسر ڈاکٹر حفیظ الرحمٰن، ڈین پشاور میڈیکل کالج اور پروفیسر ڈاکٹر عائشہ عبداللہ،وائس ڈین نے شرکت کی۔ اساتذہ اور طلبہ کی بڑی تعداد نے شرکت کی ۔شرکاءنےہاتھوں میں فلسطین سے اظہارِ یکجہتی کے بینرز اور پلے کارڈز اُٹھا رکھے تھے۔تقریب سے خطاب کرتے ہوئے پروفیسر ڈاکٹر حفیظ الرحمٰن نے فلسطینی عوام کی عظیم جدوجہد، قربانیوں اور استقامت کو زبردست خراجِ تحسین پیش کیا۔ اُنہوں نے کہا کہ ظلم و تباہی کے باوجود اُن کی ثابت قدمی پوری انسانیت کے لیے مشعل راہ ہے۔