اسلام آباد ہائیکورٹ، بانی پی ٹی آئی کی ایکس اکائونٹ بلاک کرنے کی درخواست پر فریقین سے جواب طلب

منگل 7 اکتوبر 2025 21:20

اسلام آباد (اُردو پوائنٹ اخبارتازہ ترین - این این آئی۔ 07 اکتوبر2025ء) اسلام آباد ہائی کورٹ میں بانی پی ٹی آئی کی ایکس اکائونٹ پر پوسٹس غیرقانونی قرار دے کر ہٹانے کی درخواست پر بانی پی ٹی آئی سمیت فریقین سے دو ہفتوں میں جواب طلب کر لیا۔

(جاری ہے)

منگل کو اسلام آباد ہائیکورٹ میں جسٹس ارباب محمد طاہر نے غلام مرتضی نامی شہری کی درخواست پر سماعت کی ۔ درخواست گزار کے وکیل بیرسٹر ظفر اللہ عدالت میں پیش ہوئے۔ استدعا کی کہ سوشل میڈیا پلیٹ فارم ایکس پر بانی پی ٹی آئی کی بدنیتی پر مبنی پوسٹس ہٹا کر اکانٹ بلاک کیا جائے۔ عدالت نے بانی پی ٹی آئی ، نیشنل سائبر کرائم ایجنسی اور سپرنٹنڈنٹ اڈیالہ جیل سمیت دیگر فریقین کو نوٹس جاری کرتے ہوئے حکم دیا کہ سبھی دو ہفتوں میں جواب جمع کروائیں۔