اکتوبر سے ملک بھر میں انسداد پولیو مہم کے آغاز کا اعلان

پولیو ویکسین مکمل محفوظ ،عازمین حج بھی اس کو پی کر جاتے ہیں، عائشہ رضاء

جمعرات 9 اکتوبر 2025 20:30

اسلام آباد (اُردو پوائنٹ اخبارتازہ ترین - این این آئی۔ 09 اکتوبر2025ء) ملک بھر میں انسداد پولیو کی ملک گیر مہم کا آغاز 13اکتوبر سے ہوگا فوکل پرسن برائے انسداد پولیو پروگرام عائشہ رضا فاروق نے پریس کانفرنس کرتے ہوئے بتایا کہ 4لاکھ سے زائد پولیو ورکرز حصہ لے رہے ہیں اور چار کروڑ پچاس لاکھ سے زائد بچوں کو پولیو کے قطرے پلائے جائیں گے۔

(جاری ہے)

ستمبر 2004ء سے چھ ملک گیر مہم چلائی جا چکی ہیں جبکہ پولیو کے قطرے پلانے سے انکار کے کیسز 11لاکھ سے کم ہو کر آٹھ لاکھ تیس ہزار رہ گئے ہیں۔

انہوں نے بتایا کہ ملک سے اب تک 29کیسز سامنے آچکے ہیں جبکہ خیبرپختونخوا سے کیسز کی تعداد زیادہ سامنے آئی ہے۔ ہر سال ستر لاکھ بچے پیدا ہو رہے ہیں جس کی وجہ سے مہم کا ٹارگٹ بھی بدل رہا ہے۔عائشہ رضا نے کہا کہ پولیو ویکسین مکمل محفوظ ہے اور عازمین حج بھی اس کو پی کر جاتے ہیں۔ فرنٹ لائن ورکرز سے غیر مناسب رویہ ٹھیک نہیں ہوتا۔ لوگوں کی نقل مکانی زیادہ ہونے کے باعث بھی ہماری مہم کا ہدف متاثر ہوتا ہے۔