آفس آف ریسرچ انوویشن اینڈ کمرشلائزیشن اسلامیہ یونیورسٹی بہاولپور کا اپنی پہلی فیکلٹی کی تعریفی کارکردگی تقریب کا انعقاد

بہاولپور (اُردو پوائنٹ اخبارتازہ ترین - اے پی پی۔ 10 اکتوبر2025ء) آفس آف ریسرچ انوویشن اینڈ کمرشلائزیشن اورک اسلامیہ یونیورسٹی بہاولپور نے اپنی پہلی فیکلٹی کی تعریفی کارکردگی تقریب کا انعقادکیا۔ تقریب ان فیکلٹی ممبران کے اعزاز میں منعقد کی گئی جنہوں نے ہائر ایجوکیشن کمیشن کے مطابق تحقیق اختراع اور کمرشلائزیشن کے شعبوں میں غیر معمولی کارکردگی کا مظاہرہ کیا۔

پروفیسر ڈاکٹر محمد کامران وائس چانسلراسلامیہ یونیورسٹی بہاولپور، پروفیسر ڈاکٹر شازیہ انجم وائس چانسلر دی گورنمنٹ صادق کالج ویمن یونیورسٹی بہاولپور اور پروفیسر ڈاکٹر مظہر ایاز وائس چانسلر چولستان یونیورسٹی آف ویٹرنری اینیمل سائنسز تقریب کے مہمانان خصوصی تھے۔ پروفیسر ڈاکٹر محمد کامران وائس چانسلر اسلامیہ یونیورسٹی بہاولپور نے اورک ٹیم اور فیکلٹی ممبران کی کاوشوں کو سراہتے ہوئے اس بات پر زور دیا کہ تحقیق اور اختراعات کا فروغ یونیورسٹی کے تعلیمی کارکردگی اور قومی ترقی کے مشن کے لیے اہم ہے۔

(جاری ہے)

انہوں نے تمام ایوارڈ وصول کنندگان کی لگن کو سراہا اور تحقیق اختراعات اور کمرشلائزیشن کے متحرک کلچر کو فروغ دینے کے لیے یونیورسٹی کے عزم کا اعادہ کیا۔ مہمانانِ اعزاز میں ڈاکٹر سجاد سرور، پلمونولوجسٹ بہاول وکٹوریہ ہسپتال، ڈاکٹر محسن ذوالفقار، شریک چیئر اورک اسٹیئرنگ کمیٹی، جام اقبال حیدر سی ای او اے اے گروپ آف کالجز اینڈ ہیلتھ سائنسز ،ڈاکٹر شافعہ ارشد ایڈیشنل ڈائریکٹراورک گورنمنٹ صادق کالج ویمن یونیورسٹی ، ڈاکٹر اسد ابرار، ڈائریکٹر ڈرگ ٹیسٹنگ لیبارٹری بہاولپور، ڈاکٹر تاثیر صلاح الدین ڈائریکٹر اورک گورنمنٹ صادق کالج ویمن یونیورسٹی بہاولپور، ڈاکٹر عمر نصیر ڈائریکٹر اورک چولستان یونیورسٹی ویٹرنری اینڈ اینیمل سائنسزبہاولپور شریک ہوئے۔

ڈائریکٹراورک پروفیسر ڈاکٹر محمد عاطف نے خطبہ استقبالیہ پیش کیا اور سال 2024-25 کے دوران اورک کے اقدامات اور کامیابیوں کا ایک جامع جائزہ پیش کیا۔انہوں نے اسلامیہ یونیورسٹی آف بہاولپور کی تحقیقی کامیابیوں صنعت میں تعاون کمرشلائزیشن کے نتائج اور پالیسیوں پر روشنی ڈالی۔ انہوں نے یونیورسٹی کے تحقیقی اور اختراعی ماحولیاتی نظام کو مضبوط بنانے میں مسلسل تعاون کرنے پر وائس چانسلر، فیکلٹی ممبران اور انڈسٹری کے شراکت داروں کا تہہ دل سے شکریہ ادا کیا۔

ممتاز ریسرچر ایوارڈز 16 نمایاں فیکلٹی ممبران کو ان کی کارکردگی کے اہم اشاریوں بشمول پیٹنٹ اور کاپی رائٹس کنسلٹنسی کنٹریکٹس ریونیو جنریشن پالیسی کی وکالت شہری مصروفیت اور ہائر ایجوکیشن کمیشن اور نان ہائر ایجوکیشن کمیشن کے ذرائع سے مالی امدادفراہم کرنے والے تحقیقی منصوبوں کی تکمیل کے لیے پیش کیے گئے۔ تعریفی سرٹیفکیٹس فیکلٹی ممبران کو دیے گئے جنہوں نے مالی سال 2024-25 کے دوران پروپوزل کی گذارشات تعاون اور کمیونٹی کی شمولیت کی سرگرمیوں میں قابل ذکر تعاون کیا۔

ٹاپ 5 فیکلٹیوں میں فیکلٹی آف ویٹرنری اینڈ اینیمل سائنسز فیکلٹی آف ایگریکلچر اینڈ انوائرمنٹ فیکلٹی آف سوشل سائنسز فیکلٹی آف کیمیکل اینڈ بائیولوجیکل سائنسز فیکلٹی آف فارمیسی شامل ہیں۔ اورک ٹیم کے ممبران ڈاکٹر محمد ساجد منیجراورک ،حافظ فیضان احمد اسسٹنٹ منیجراورک ،ڈاکٹر عمر بلال ایڈمنسٹریٹو آفیسر کو ان کی انتھک کوششوں اور ہائر ایجوکیشن کمیشن کیٹیک اورک کے حصول میں غیر معمولی شراکت پر تعریفی اسناد پیش کی گئیں ۔