ملتان،چائلڈ پورنوگرافی کیس میں مطلوب ٹک ٹاکر محمد آصف گرفتار

ملزم فحش مواد ٹک ٹاک پر اپلوڈ کرنے میں ملوث ،طویل عرصہ سے قانون نافذ کرنیوالے اداروں کو مطلوب تھا

جمعہ 10 اکتوبر 2025 22:20

ملتان(اُردو پوائنٹ اخبارتازہ ترین - این این آئی۔ 10 اکتوبر2025ء) نیشنل سائبر کرائم انویسٹی گیشن ایجنسی (این سی سی آئی ای)حکام نے ملتان ایئرپورٹ پر کارروائی کرکے بیرون ملک سے واپس آنے والے چائلڈ پورنوگرافی کیس میں مطلوب ٹک ٹاکر محمد آصف کو گرفتار کرلیا۔ترجمان این سی سی آئی اے نے بتایا کہ چائلڈ پورنوگرافی کیس میں مطلوب ٹک ٹاکر محمد آصف نے نازیبا ویڈیوز شیئر کیں۔

(جاری ہے)

ملزم پر کم عمر لڑکوں کیساتھ نازیبا حرکات کے الزامات ہیں، ملزم نے ٹک ٹاک پر بچوں کے لیے آن لائن بولی بھی لگوائی۔ترجمان کے مطابق ملزم فحش مواد ٹک ٹاک پر اپلوڈ کرنے میں ملوث پایا گیا، ملزم طویل عرصہ سے قانون نافذ کرنے والے اداروں کو مطلوب تھا۔ملزم کے خلاف بین الااقوامی اداروں نے بھی شکایات درج کروائی تھیں، اس کے خلاف سال 2024 میں مقدمہ درج کیا گیا تھا۔