اعجازاحمدچوہدری کی سزاکے خلاف اپیلوں پر سماعت (آج) ہو گی

جسٹس شہباز علی رضوی ،جسٹس طارق محمود باجوہ پر مشتمل بنچ درخواستوں پر سماعت کریگا

اتوار 12 اکتوبر 2025 11:05

لاہور(اُردو پوائنٹ اخبارتازہ ترین - این این آئی۔ 12 اکتوبر2025ء) لاہور ہائیکورٹ میں تحریک انصاف کے سینئر رہنما اعجاز چوہدری کی 9 مئی کے مقدمات میں سنائی گئی سزائوں کے خلاف دائر اپیلوں پر سماعت آج( پیر)13 اکتوبر کو ہوگی۔

(جاری ہے)

لاہور ہائیکورٹ کے جسٹس سید شہباز علی رضوی اور جسٹس طارق محمود باجوہ پر مشتمل دو رکنی بنچ درخواستوں پر سماعت کرے گا۔ پنجاب حکومت کی جانب سے اسسٹنٹ ایڈووکیٹ جنرل محمد فرخ خان لودھی پیش ہوں گے۔اعجاز احمد چوہدری نے 9 مئی 2023 کے مختلف مقدمات میں انسدادِ دہشت گردی عدالت کی جانب سے سنائی گئی سزائوں کو ہائیکورٹ میں چیلنج کر رکھا ہے۔ ٹرائل کورٹ نے اعجاز چوہدری کو مختلف مقدمات میں دس ،دس سال قید کی سزائیں سنائی تھیں۔