Live Updates

علی امین گنڈاپور کا استعفیٰ منظور نہ کرنے پر گورنر خیبرپختونخواہ کو تنقید اور سوالات کا سامنا

پی ٹی آئی مخالف سمجھے جانیوالے تجزیہ کاروں نے بھی فیصل کریم کنڈی کا اعتراض بلا جواز اور نئے وزیراعلیٰ کا انتخاب درست قرار دیدیا

ساجد علی پیر 13 اکتوبر 2025 14:28

علی امین گنڈاپور کا استعفیٰ منظور نہ کرنے پر گورنر خیبرپختونخواہ کو ..

پشاور ( اُردو پوائنٹ اخبارتازہ ترین۔ 13 اکتوبر2025ء ) خیبرپختونخواہ کے مستعفی وزیراعلیٰ علی امین گنڈاپور کا استعفیٰ منظور نہ کرنے پر گورنر کو تنقید اور سوالات کا سامنا کرنا پڑگیا، تحریک انصاف کے مخالف سمجھے جانے والے تجزیہ کاروں نے بھی فیصل کریم کنڈی کے اعتراض کو بلا جواز قرار دے دیا۔ اس سلسلے میں اینکر و تجزیہ کار منیب فاروق کا کہنا ہے کہ ’خیبرپختونخواہ میں نئے وزیراعلی کا انتخاب آئینی طور پر بلکل درست ہے، اس سلسلے میں گورنر کا اعتراض بلا جواز تھا کیوں کہ آئین میں ایسا کوئی اختیار گورنر کو حاصل نہیں کہ وہ آئینی طریقے سے دیا گیا تصدیق شدہ استعفیٰ اعتراض لگا کر واپس کر دے‘۔

خیبرپختونخوا وزیراعلی کا انتخاب آئینی طور پر بلکل درست ہے۔

گورنر صاحب کا اعتراض بلا جواز تھا۔ آئین میں ایسا کوئی اختیار گورنر کو حاصل نہیں کہ وہ آئینی طریقے سے دیا گیا تصدیق شدہ استعفی اعتراض لگا کر واپس کر دے۔
— Muneeb Farooq (@muneebfaruqpak) October 13, 2025

اسی معاملے پر تبصرہ کرتے ہوئے خاتون تجزیہ کار ریما عمر نے لکھا کہ ’گورنر کنڈی آرٹیکل 130(8) کے مطابق استعفیٰ دینے والے وزیر اعلیٰ کو عہدے پر برقرار رہنے پر مجبور کر کے اور نئے وزیراعلیٰ کے انتخاب میں تاخیر کر کے آئین کی روح کے خلاف کام کر رہے ہیں، افسوس کی بات ہے کہ ایک آئینی عہدہ دار اپنے عہدے اور آئین دونوں کا مذاق اڑا رہا ہے‘۔

(جاری ہے)

Governor Kundi is acting against the Constitution’s letter + spirit by forcing a CM who has resigned as per Art 130(8) to continue in office by delaying the election of his successor

A pity a constitutional office holder is making a mockery of both his office + the Constitution https://t.co/cOYSBpfzhH
— Reema Omer (@reema_omer) October 12, 2025

اینکر پرسن علینہ شگری نے سوال اٹھایا کہ ’ گورنر صاحب، اگر بقول آپ کے آپ کو پہلے والا ایک استعفیٰ موصول ہی نہیں ہوا تھا تو پھر آپ دو دستخطوں کا موازنہ کیسے کر سکتے ہیں؟‘۔

Governor Sahab, how were you able to match and compare two sets of signatures if one of the letters was never received? https://t.co/kVkzij9e3J
— Alina Shigri (@alinashigri) October 12, 2025

سابق سینیٹر مسطفیٰ نواز کھوکھر کا کہنا ہے کہ ’گورنر فیصل کریم کنڈی نے وہی کیا جو ان سے کہا گیا تھا، پی پی پی نے اسٹیبلشمنٹ کی چاپلوسی کے لیے اپنی تاریخی میراث چھوڑ دی ہے اور اب وہ محض کٹھ پتلی کا کردار ادا کر رہی ہے‘۔

Governor Kundi has done what has been asked of him. PPP in its bid to flatter the establishment has given up on its historical legacy and now plays the role of a mere puppet!
— Mustafa Nawaz Khokhar (@mustafa_nawazk) October 13, 2025

سابق سیکریٹری الیکشن کمیشن کنور دلشاد نے مؤقف اپنایا ہے کہ ’استعفے پر چیف منسٹر کو گورنر طلب نہیں کرسکتا، آئین میں ایسی کوئی شق نہیں کہ استعفیٰ منظور یا طلب کیاجائے اور آئین کے آرٹیکل 69 کے تحت نئے وزیراعلیٰ کے انتخابی عمل کو چیلنج بھی نہیں کیا جاسکتا‘۔