مانانوالہ،ڈپٹی کمشنر شاہد عمران مارتھ نے ضلع بھر میں انسداد پولیو مہم کا افتتاح کر دیا گیا

پیر 13 اکتوبر 2025 14:48

مانانوالہ(اُردو پوائنٹ اخبارتازہ ترین - این این آئی۔ 13 اکتوبر2025ء) ڈپٹی کمشنر شاہد عمران مارتھ نے ضلع بھر میں انسداد پولیو مہم کا افتتاح کر دیا گیا۔ڈپٹی کمشنر شاہد عمران مارتھ نے مدر اینڈ چلڈرن کمپلیکس میں بچوں کو پولیو کے قطرے پلا کر مہم کا افتتاح کیا۔ ایڈیشنل ڈپٹی کمشنر فنانس ، اسسٹنٹ کمشنر ، سی ای او ہیلتھ اتھارٹی ، ایم ایس ڈی ایچ کیو ہسپتال سمیت دیگر ضلعی افسران اس موقع پر موجود تھے ۔

ڈپٹی کمشنر شاہد عمران مارتھ نے اس موقع پر گفتگو کرتے ہوئیکہا کہ ضلع بھر میں انسداد پولیو مہم 13 اکتوبر تا 16 اکتوبر تک جاری رہے گی۔پولیو مہم کے دوران 7 لاکھ 58 ہزار 490 بچوں کو پولیو کے قطرے پلائے جائیں گے ۔ پولیو کے خاتمے کے لیے مخلصانہ کاوشیں کرنا ہماری ترجیح ہے۔ والدین ، اساتذہ اور علمائے کرام پولیو کے خاتمے کے لیے حکومتی کوششوں کا حصہ بنیں انہوں نے کہا کہ انسداد پولیو مہم کے دوران 5 سال کی عمر کے بچوں کو پولیو ٹیمیں گھر گھر جا کر قطرے پلائیں گی ۔

(جاری ہے)

پولیو مہم کے دوران فیلڈ میں گھر گھر قطرے پلانے کے لیے 2 ہزار 929 موبائل ٹیمز فرائض سر انجام دیں گی۔ڈپٹی کمشنر شاہد عمران مارتھ نے اس موقع پر مزید گفتگو کرتے ہوئیکہا کہ بس اسٹینڈز ، ریلوے اسٹیشنز، مین بازاروں اور بچوں کی زیادہ آمد و رفت کے مختلف پوائنٹس پر پولیو ویکسینیشن کے لیے 55 ٹرانزٹ کیمپس قائم کیے گے ہیں ۔ضلع بھر میں قائم 115 مراکز صحت پر بھی پولیو ویکسی نیشن کی سہولت میسر ہو گی۔

پولیو مہم کے دوران قطرے پلانے کیلے مجموعی طور پر 3 ہزار 99 ٹیمز فرائض کو سر انجام دیں گی۔ والدین سے اپیل ہے کہ انسداد پولیو مہم کے دوران انتظامیہ کے ساتھ تعاون کریں۔ بعد ازاں ڈپٹی کمشنر شاہد عمران مارتھ نے ہسپتال کے مختلف شعبہ جات کا تفصیلی دورہ کیا ۔ ڈپٹی کمشنر نے مریضوں اور ان کے لواحقین کو مہیا کی جانے والی سہولیات کا جائزہ لیا ڈپٹی کمشنر کی ڈاکٹرز ، پیرا میڈیکل سٹاف و دیگر عملہ کو اپنی حاضری 100 فیصد یقینی بنانے کی ہدایت ۔