ملک میں سیمنٹ کی ریٹیل قیمتوں میں کمی،سیمنٹ کی فی بوری کی قیمت 1372روپے ریکارڈ

پیر 13 اکتوبر 2025 16:54

لاہور(اُردو پوائنٹ اخبارتازہ ترین - این این آئی۔ 13 اکتوبر2025ء) ملک میں سیمنٹ کی ریٹیل قیمتوں میں گزشتہ ہفتے کے دوران کمی ریکارڈ کی گئی۔اعدادوشمار کے مطابق 9اکتوبر کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1372روپے ریکارڈ کی گئی جو پیوستہ ہفتے کے مقابلے میں 0.64فیصد کم ہے۔ پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1381روپے ریکارڈ کی گئی تھی۔

اسی طرح 9اکتوبر کو ختم ہونے والے ہفتے میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1441روپے ریکارڈ کی گئی تھی جو پیوستہ ہفتے کے مقابلے میں 0.58فیصد کم ہے۔ پیوستہ ہفتے میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1449روپے ریکارڈ کی گئی تھی۔

(جاری ہے)

اعدادوشمار کے مطابق گزشتہ ہفتے کے دوران اسلام آباد میں سیمنٹ کی فی بوری کی اوسط ریٹیل قیمت 1345، راولپنڈی 1346، گوجرانوالہ 1400 ، سیالکوٹ 1370، لاہور 1408، فیصل آباد 1380، سرگودھا 1360، ملتان 1416، بہاولپور 1420، پشاور 1350 اور بنوں میں سیمنٹ کی فی بوری کی اوسط ریٹیل قیمت1300 روپے ریکارڈ کی گئی۔

کراچی میں سیمنٹ کی فی بوری کی اوسط ریٹیل قیمت 1367، حیدر آباد 1427، سکھر 1500، لاڑکانہ 1407، کوئٹہ 1500 اور خضدار میں سیمنٹ کی فی بوری کی اوسط ریٹیل قیمت 1443 روپے ریکارڈ کی گئی۔