سکول (آج ) شیڈول کے مطابق کھلیں گے ، پنجاب یونیورسٹی ، یو ای ٹی میں کلاسز آن لائن

پیر 13 اکتوبر 2025 21:15

لاہور (اُردو پوائنٹ اخبارتازہ ترین - این این آئی۔ 13 اکتوبر2025ء) پنجاب بھر کے تمام سکول آج ( منگل ) شیڈول کے مطابق کھلیں گے جبکہ پنجاب یونیورسٹی اور یو ای ٹی میں کلاسز آن لائن ہوں گی۔

(جاری ہے)

صوبائی وزیر تعلیم رانا سکندر حیات نے اپنے بیان میں بتایا کہ صوبت بھر کے تمام سکول آج بروز منگل 14اکتوبر کو شیڈول کے مطابق کھلیں گے۔ دوسری جانب پنجاب یونیورسٹی کے ترجمان نے بیان جاری کرتے ہوئے کہا کہ 14اکتوبر کو کلاسز آن لائن ہوں گی، یونیورسٹی معمول کی کلاسز کیلئے بند رہے گی۔جبکہ یونیورسٹی آف انجینئرنگ اینڈ ٹیکنالوجی میں بھی آج ( منگل ) کلاسز آن لائن ہوں گی، یو ای ٹی نے آن لان کلاسز کا نوٹیفکیشن جاری کر دیا ہے۔