سعودی عرب کا آسکر میں نامزدگی کے لیے فلم ’ھجرۃ‘ کا انتخاب

منگل 14 اکتوبر 2025 08:20

ریاض (اُردو پوائنٹ اخبارتازہ ترین - اے پی پی۔ 14 اکتوبر2025ء) سعودی فلم کمیشن نے فیچر فلم ’ھجرۃ‘ کو بین الاقوامی فیچر فلم کی کیٹیگری میں آسکر کےلیے مملکت کی نمائندگی کےلیے منتخب کیا ہے۔اخبار 24 کے مطابق سعودی فلم سلیکشن کمیٹی کی نگرانی میں متعدد فلموں کا جائزہ لینے کے بعد ’ھجرۃ‘ کا انتخاب کیا گیا۔

(جاری ہے)

سعودی فلم اس کیٹیگری میں دنیا بھر کی درجن بھر فلموں کے ساتھ مقابلہ کرے گی، جنہیں متعدد انتخابی مراحل سے گزرنا ہوگا۔

اس کا آغاز ابتدائی فہرست کے اعلان سے ہوگا جس کے بعد اکیڈمی حتمی فہرست جاری کرے گی۔بہترین بین الاقوامی فیچر فلم کے ایوارڈ کا اعلان مارچ 2026 میں لاس اینجنلس میں ہونے والے 98 ویں اکیڈمی ایوارڈ کی تقریب میں کیا جائے گا۔’ھجرۃ‘ سعودی سنیما کی تازہ ترین پروڈکشنز میں سے ایک ہے جو مقامی کہانیوں کے تنوع اور مملکت کی ثقافتی شناخت کی بھر پورعکاسی کرتی ہے، اس کی ہدایتکارہ شہد امین ہیں۔