پاکستان 23اور 24اکتوبر کو ریجنل ٹرانسپورٹ منسٹرز کانفرنس کی میزبانی کریگا

عالمی کانفرنس میں 27ممالک کے وزراء شریک ہوں گے، وفاقی وزیرمواصلات

منگل 14 اکتوبر 2025 21:20

اسلام آباد (اُردو پوائنٹ اخبارتازہ ترین - این این آئی۔ 14 اکتوبر2025ء) پاکستان 23اور 24اکتوبر کو ریجنل ٹرانسپورٹ منسٹرز کانفرنس کی میزبانی کرے گا، جناح کنونشن سینٹر میں ہونے والی عالمی کانفرنس میں 27ممالک کے وزرا شریک ہوں گے۔کانفرنس کے آفیشل لوگو کی تقریب میں وفاقی وزرا عبدالعلیم خان، حنیف عباسی اور جنید انور شریک ہوئے۔وفاقی وزیر عبدالعلیم خان نے کہا کہ مواصلات، ریلویز، میری ٹائمز اور دیگر وزارتوں کا اشتراک ہوگا۔

کانفرنس کے معیاری انتظامات یقینی بنائیں گے۔

(جاری ہے)

ریلویز اور میری ٹائمز کے وزرا نے کانفرنس میں بھرپور معاونت کی یقین دہانی کرائی۔ وفاقی وزیر مواصلات عبدالعلیم خان نے کہا کہ کانفرنس خطے میں راہداری روابط کے فروغ میں معاون ہوگی۔ فول پروف اور بہترین انتظامات میں کوئی کسراٹھا نہ رکھی جائے۔ ریجنل منسٹرز کانفرنس پاکستان کے تشخص کو اجاگر کرے گی ۔ مختلف ممالک زمینی، بحری اور فضائی رابطے بڑھائیں گے۔وفاقی وزرا برائے ریلویز اور میری ٹائمز نے ریجنل منسٹرز کانفرنس کے انعقاد کا خیرمقدم کیا ۔ کانفرنس میں شرکا کیلئے ثقافتی شو اور عوام کیلئے نمائش منعقد ہوگی۔ کانفرنس کے آفیشل لوگو کی تقریب میں سینئرافسران اور انتظامیہ اراکین نے بھی شرکت کی۔