یونیورسٹی آف مینجمنٹ اینڈ ٹیکنالوجی لاہور کے طلبہ اور اساتذہ نے لاہور گیریژن کا دورہ

بدھ 15 اکتوبر 2025 14:53

راولپنڈی (اُردو پوائنٹ اخبارتازہ ترین - اے پی پی۔ 15 اکتوبر2025ء) یونیورسٹی آف مینجمنٹ اینڈ ٹیکنالوجی لاہور کے طلبہ اور اساتذہ نے لاہور گیریژن کا دورہ کیا۔ وفد نے پاک فوج کے ساتھ مصروف، معلوماتی اور یادگار دن گزارا۔بدھ کو تفصیلات کے مطابق طلبہ نے یادگار شہدا پر حاضری دی اور عظیم قربانیوں کو خراج عقیدت پیش کیا۔طلبہ و طالبات نے آرمی میوزیم لاہور کا بھی معلوماتی دورہ کیا اور دفاعی تاریخ سے آگاہی حاصل کی۔

(جاری ہے)

گیریژن کمانڈر لاہور نے طلبہ سے ملاقات کی اور ان کے سوالات کے جوابات دیئے۔طلبہ نے پاک فوج کے نظم و ضبط، حب الوطنی اور پیشہ ورانہ مہارت کو بے حد سراہا۔ وفد واہگہ بارڈر پر پرچم اتارنے کی شاندار تقریب میں بھی شریک ہوا۔شرکا نے واہگہ بارڈر پر قومی جوش و ولولے سے بھرپور پرچم کشائی کی تقریب کو بھرپور سراہا۔شرکا نے اس یادگار دن کے بہترین انتظام پر پاک فوج کا شکریہ ادا کیا۔طلبہ نے قومی جذبے کے فروغ کے لیے ایسی سرگرمیاں مستقل بنیادوں پر جاری رکھنے کے عزم کا اظہار کیا۔