ٹاپ سیڈڈ نائومی اوساجاپان اوپن ٹینس ویمنز سنگلز کوارٹر فائنل میں پہنچ گئیں

بدھ 15 اکتوبر 2025 15:37

ٹوکیو (اُردو پوائنٹ اخبارتازہ ترین - اے پی پی۔ 15 اکتوبر2025ء) جاپان کی نامورٹینس سٹار،چار گرینڈ سلام ٹائٹلز کی چیمپئن اور ایونٹ کی ٹاپ سیڈڈ نائومی اوساکا اپنی پیش قدمی کو جاری رکھتے ہوئے ڈبلیو ٹی اے جاپان اوپن ٹینس ٹورنامنٹ میں خواتین کے سنگلز مقابلوں کے کوارٹر فائنل رائونڈ میں پہنچ گئی ۔

(جاری ہے)

سپورٹس ویب سائٹ کے مطابق 27 سالہ میزبان ٹینس سٹار نائومی اوساکا نے ویمنز سنگلز مقابلوں کے دوسرے رائونڈ میچ میں عمدہ کھیل پیش کرتے ہوئے نیدرلینڈز کی حریف کھلاڑی سوزن لیمینز کو1-2 سیٹس سے شکست دی اور کوارٹر فائنل رائونڈ کے لئے کوالیفائی کیا۔

جاپان کے شہر اوساکا کے یو سوبو ٹینس سینٹرمیں شروع ہونے والے ڈبلیو ٹی اے جاپان اوپن ٹینس ٹورنامنٹ میں کھیلے گئے خواتین کے سنگلز مقابلوں کے دوسرے رائونڈ میچ میں 27 سالا جاپانی ٹینس سٹار نائومی اوساکا نے عمدہ کھیل پیش کرتے ہوئے نیدرلینڈز کی حریف کھلاڑی سوزن لیمینز کو6-7(6-8)،6-3 اور 2-6سے شکست دے کر نہ صرف ٹورنامنٹ سے باہر کر دیا بلکہ ٹاپ ایٹ رائونڈ کے لئے بھی کوالیفائی کرلیا،جہاں نائومی اوساکا کا مقابلہ رومانیہ کی 27 سالہ ٹینس کھلاڑی جیکولین ایڈینا کرسٹیان سے ہوگا۔