ریسکیو1122 ملتان نے 24گھنٹوں کےدوران 379افرادکوریسکیوکیا،ترجمان

بدھ 15 اکتوبر 2025 16:13

ملتان (اُردو پوائنٹ اخبارتازہ ترین - اے پی پی۔ 15 اکتوبر2025ء) ریسکیو 1122 ملتان نے 24گھنٹوں کے دوران 367ایمرجنسیز میں مجموعی طور379افرادکوریسکیوکیا۔ترجمان ریسکیو 1122کےمطابق گزشتہ 24گھنٹوں کےدوران ملتان شہر میں349 ،شجاع آبادمیں12 اورجلال پورپیروالامیں 6 ایمرجینسیز پیش آئیں جن میں ٹریفک حادثات کی تعداد88ہے،ملتان میں82،شجاع آباد میں5اورجلال پور پیروالا میں ایک ٹریفک حادثہ پیش آیا۔

ریسکیو 1122 کی ٹیموں نےضلع بھر میں234میڈیکل ایمرجنسیزمیں مریضوں کومختلف ہسپتالوں میں منتقل کیا،ملتان میں225،شجاع آباد میں5اور جلال پور پیر والا میں 4 میڈیکل ایمرجینسیز اٹینڈ کی گئیں جبکہ 9 جرائم اور19متفرق ایمرجینسیزپرریسکیوکیا گیا۔مجموعی طور پر379افراد کو ریسکیو کیا گیا،ملتان میں361،شجاع آباد میں 12اور جلال پور پیر والا میں 6 افرادکوریسکیوکیا گیا۔

(جاری ہے)

ریسکیو 1122 نے 24 گھنٹوں کے دوران ملتان ،شجاع آباد اور جلال پور پیر والا میں دریائے چناب اور دریائے ستلج کے سیلاب سے متاثرہ علاقوں میں متاثرین کو ٹرانسپورٹیشن سروسز فراہم کیں۔ اس سہولت کے تحت سیلاب کے دوران قائم کئے گئے ریلیف کیمپوں میں مقیم افراد کو اپنے گھروں تک پہنچانے کے لئے ٹرانسپورٹ فراہم کی گئی جبکہ وہ متاثرین جو کیمپوں میں منتقل نہیں ہو سکے تھےانہیں کھانے اور راشن کی فراہمی بھی یقینی بنائی گئی۔ اس ٹرانسپورٹیشن سروس سے 670افراد نے استفادہ حاصل کیا۔