Live Updates

ہم یہ سمجھتے ہیں 26 نومبر احتجاج کا مقدمہ بنتا ہی نہیں ہی: علیمہ خان

بدھ 15 اکتوبر 2025 20:51

اسلام آباد (اُردو پوائنٹ اخبارتازہ ترین - این این آئی۔ 15 اکتوبر2025ء) بانی پی ٹی آئی عمران خان کی ہمشیرہ علیمہ خان نے کہا ہے کہ ہم یہ سمجھتے ہیں کہ 26 نومبر کے احتجاج کا مقدمہ بنتا ہی نہیں ہے۔ علیمہ خان نے وکیل فیصل ملک کے ہمراہ انسداد دہشت گردی عدالت روالپنڈی کے باہر میڈیا سے گفتگو کی۔

(جاری ہے)

علیمہ خان نے کہا کہ عدالت نے تھانہ صادق آباد میں درج مقدمے کی سماعت فرد جرم کے لیے مقرر کر رکھی تھی،اس مقدمے میں ہم نے عدالت کے دائرہ اختیار کو چیلنج کردیا ہے۔

انہوںنے کہاکہ ہم نے بڑے مضبوط دلائل پر مبنی درخواست عدالت میں دائر کردی ہے،ہم نے عدالت سے استدعا کی ہے کہ اس درخواست کو 20 اکتوبر کے لیے مقرر کیا جائے۔انہوں نے کہا کہ ہماری درخواست پر عدالت نے پراسیکیوشن کو نوٹس جاری کر دیے ہیں۔